كريم الصوفي – كود//
بسبب استحالة عبور الحدود البرية، المغلقة منذ مارس 2020، بزاااف ديال مغاربة مليلة المحتلة قدرو يتحايلو على اغلاق الحدود عبر رحلات جوية غير مباشرة مع المغرب. كياخذو الطيارة من مليلية إلى ملقة، وكيقطعو للرحلة الرابطة بين ملقة والناظور باش يقدرو يعيدو مع حبابهم داخل المغرب.
ها المعلومة اكدها “إلديفونسو مينينديز” رئيس جمعية مليلية للسفر، لي اضاف ان جميع مقاعد الرحلات الخمسة الأسبوعية محجوزة مسبقا وزيد عليها جوج رحلات خاصة رحلتان خاصتان. هاذ الشي واخا كاين انتعاش ديال الإصابات بفيروس كورونا في الأسابيع الأخيرة في مليلية المحتلة وباقي مناطق اسبانيا.
