الرئيسية > آراء > ها كيفاش بدات أزمة الطلبة الأطباء – الجزء 1. الحسن الداودي ملي كان وزير التعليمالعالي أقسم ان الملف لن يمر ووزير الصحة الوردي استثنى طلبة الكليات الخاصة منالخدمة الوطنية للصحة
12/06/2019 09:50 آراء

ها كيفاش بدات أزمة الطلبة الأطباء – الجزء 1. الحسن الداودي ملي كان وزير التعليمالعالي أقسم ان الملف لن يمر ووزير الصحة الوردي استثنى طلبة الكليات الخاصة منالخدمة الوطنية للصحة

ها كيفاش بدات أزمة الطلبة الأطباء – الجزء 1. الحسن الداودي ملي كان وزير التعليمالعالي أقسم ان الملف لن يمر ووزير الصحة الوردي  استثنى طلبة الكليات الخاصة منالخدمة الوطنية للصحة

ابتسام بلعباس*///

قبل أشهر من فتح كليات الطب الخاصة.. سئل الوزير الحسن الداودي عن الملف و أقسم برب الكعبة أنه لن يمر وهو وزير للتعليم و تفتحات بالفعل…. وكان هناك ضجيج محتشم م نطرف الأطباء ولم ننجح في الوقوف بوجه الخوصصة.

فسنة 2015 ؛ و في تطبيق لمشاريع جاء بها صندوق البنك الدولي باش المغرب ياخد قروض إضافية… جاء الوزير الايكس الشيوعي الحسين الوردي بمخطط الخدمة الوطنية الصحية الذي يقتضي ان يتم سد الخصاص بالطلبة بدل إصلاح قطاع الصحة و تحسين وضعية الاطباء لتشجيعهم على الوظيفة العمومية…. المشروع كان غادي يعطي سنويا على الاقل 3000 طبيب يوزعون في المناطق النائية دون حاجة لفتح مناصب مالية لا للموظفين ولا حتى للمتعاقدين كيف دارو فقطاع التعليم حيت حيتما الطالب غيبقا يدوز عامين و يمشي و يجيبو بالاجبار واحد اخر يالاه تخرج فبلاصتو و هكذا و ماغيبقا لاتوظيف لا تاحاجة . تم الوقوف بعون الله وبفضل نضالاتنا في وجه هذه الدناءة ؛ ومور ما كان يتم تهديدنا بسنة بيضاء أعلناها سوداء تاولا يرغب و يطلب و تنازل على مشروع البطالة.

في نفس السنة؛ حين أخرج الوردي مسودة ماسمي بالخدمة الوطنية الصحية …. تم إعفاء طلبة الكليات الخاصة منه… رغم أنهم اطباء – بين معقوفتين – و رغم أنهم مغاربة و رغم أن المغاربة اللي فالمناطق النائية محتاجينهم… بدعوى أن حنا قرينا مجانا – وهذا غير صحيح لأن كل طالب باه كيخلص الضرائب و ما دام التعليم الجامعي مجاني للجميع فماشي من حق شي حد يجي يفرض علينا العبودية دون باقي القطاعات – و طلبة الكليات الخاصة كيخلصو”الملايين” باش يقراو بين معقوفتين عوتاني . يعني حنا مبدئيا ممقادينش … وتا الحلول الترقيعية لا يتم اشراكهم فيها اذن علاش سيتم اشراكهم فهادي بالذات؟!

في نفس السنة ؛ قيل لنا من مسؤول لن أذكر اسمه ولكن را كلشي عارفو شكون… أن طلبة الخاص غايدوزو الداخلية و الاقامة و قدم التصريح على اساس : (ونشوفو ديك الساعة شكون الاحسن الطلبة دياولنا ولا هدوك لي قاريين بالفلوس ). وحيت حنا ماشي دراري فهمنا أنه تصريح لي هو حق أريد به باطل …. حيت الهدف ماشي هو نثبتو ان التعليم العمومي بخير لانه ليس بخير وداكشي علاش كنرفعو لو الصفر ديما ؛ وإنما الهدف هو إعطاء الشرعية للتعليم الجامعي الخاص . و قلنالو إن عدتم عدنا ولكن واش ماتيقوناش واش توحشونا مانعرف.

هذه السنة… سيفعل بالفعل الخلط بين طلبة الكليات العمومية و طلبة الكليات الخاصة فالمباراة… والسبب ماشي هو ماعندهمش فين يديرو تخصص كما يتم الترويج له … حيت مستشفى الشيخ زايد فالرباط فيه الاساتذة و فيه الاطباء و فيه المرضى و فيه الاجهزة لي بعضها معناش حنا و فيه كل شروط التخصص و بالفعل كيفتحو سنويا بعض المناصب مقابل يخلص الطبيب المقيم 7 مليون سنويا… و بالمثل مستشفى الشيخ خليفة و فايت تفتحات فيه الإقامة قبل سنتين … و ب50 منصب مالي …. و فكل التخصصات تقريبا….

السبب الحقيقي …. هو يندرج ضمن مقولة بنكيرانية للتاريخ : حان الوقت لترفع الدولة ايديها عن التعليم و الصحة.

سالاو مع المغاربة فالمدارس العمومية جراو عليهم من الابتدائي للثانوي الا لي معدم وسالاو مع المغاربة خواوهم السبيطارات وكلشي ولا يقول اللهم نخلص ولا نتكرفص… والان حان الوقت باش المغاربة يتطبعو مع التعليم الجامعي الخاص…

الخلط بيننا و بينهم أريد به إضفاء الشرعية لديبلوماتهم ومزيد من الاعتراف و إقناع المغاربة ان تاهما اطباء حقيقيين بدليل وخا ماجابوش الكنكور فالباك جابو مباراة الاقامة… الميساج ببساطة هو : وخا قرينا بالفلوس را كنقراو مزيان…

الهدف ببساطة أكثر … هو انت تولي تشوف كلية الطب الخاصة “بديل” لولدك ومتبقاش تشوفها ملجأ فقط للي ماجابوش الكنكور… الهدف هو مع الوقت الاغنياء و الطبقة المتوسطة يتكبو فالكليات الخاصة وتخوا الكليات العمومية غير للفقراء و المعدمين ويولي الاستاذ يمشي يقري مزيان فالبريفي و يرتاح فالجامعة العمومية …. على ما نلغيو المجانية فخطرة فالتعليم الجامعي – هدشي كيتناقش حاليا وكاين مشاريع قوانين في هذا الصدد – وفي ذات الوقت نكونو عطيناكم بديل في الطب لي هو قطاع لا يمكن الاستغناء عنه و اللي عندو شوية د الفلوس و الحلم د ولدو يكون طبيب يقول نضحي مع ولدي باش نبني ليه مستقبلو..

هادشي كلو ؛ يهمك كمواطن ماشي غي حنا كأطباء …. خسكم تفهمو و تستوعبو قبل ما تكون داك الجندي اللي كيتلعب بيه ضامة .

ومن بعد غانشرح الشق اللي يخصنا كأطباء ولي ماشي ضروري تتضامن معنا فيه… تضامن غي مع راسك وولادك وبلادك ولنا عودة.

*طبيبة

موضوعات أخرى

29/03/2024 14:10

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 13:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟

29/03/2024 12:30

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو

29/03/2024 12:20

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية