مصطفى الشاذلي – كود سبور//

واخيرا الاتحاد العربي لكرة القدم استجب لمقترح الوداد البيضاوي والمريخ السوداني من أجل تاجيل إياب الدور الأول لكأس محمد السادس للأندية العربية.

الفريقان بجوج باغيين يتأجل الماتش ديالهم، لي كان مقررا في 18 في هاد الشهر.

المريخ طلب تأجيل الماتش، لحقاش بزاف دلعابة ديالو مع المنتخب السوداني الأول والمحلي، الذي يستعد التصفيات الإفريقية.

وحتا الوداد طلب يتأجل الماتش، حتى يستعد مزيان لمباراة نواديبو الموريتاني في الدور الأول من مسابقة دوري أبطال إفريقيا، نهار الأحد جاي.

الاتحاد العربي باش يرضيهم بحوج، برمج الروتور في 5 أكتوبر المقبل بملعب مركب محمد الخامس.

وبخصوص مباراة نواديبو، حددت إدارة هاد النادي 10 ديال المليون إلى بغا الوداد ينقل الماتش نهار الأحد.

هاد التسعيرة ماموضوعاش غير للوداد فقط، بل لكل من يرغب في نقل مباراة الوداد ونواديبو.

وأكثر من هادشي كامل حددت مليون من أجل تسجيل لقطات من المباراة وتصوير الاستجوابات مع المدربين ولعابة ولقطات الجمهور، إضافة إلى مليون ونصف للحصول على شريط المباراة كاملة في قرص بعد 24 ساعة.

الماتش ديال الوداد ونواديبو غادي يكون نهار الأحد في الساعة الخامسة عصرا (بالتوقيت المحلي)، على أرضية ملعب “شيخا بيديا” في نواكشوط.