هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
كود هناء ابو علي ////
ف18 شتنبر 2019 نظم حزب التجمع الوطني للاحرار الجامعة الصيفية للشباب الاحرار فنسختو الثالثة. فهاد اللقاء اللي احتاضنو مسرح الهواء الطلق باكادير اكد عزيز اخنوش رئيس الحزب٬ انو ايلى ربح الانتخابات فيلتزم “اختيار وزرائه من الكفاءات الشابة التي يزخر بها الحزب”.
واكد ان “مستقبل الشباب يجب أن يكون بين أيديهم، وليس بين ناس لا يؤمنون بالشباب وقضايا الشباب، ناس ضد التشبيب، ضد الفن والثقافة والرياضة، ناس يمسكون العصي ليضربوا بها من يختلف معهم في المواقف”.
وخلال الاعلان عن التحالف الثلاثي للحكومة الاربعاء الماضي اكد اخنوش على 3 شروط خاصها تتوفر فاللي باغي يتحمل المسؤولية فحكومتو: الكفاءة والمصداقية والامانة.
بهاد الشروط اللي ما كيتعارضوش. حقاش ممكن يكون الوزير شاب وكفء وعندو المصداقية وفيه خصلة الامانة. لكن فالحكومة اللي ممكن تتعين ما بين 5 و8 اكتوبر المقبل غادي يكون صعيب بزاف يكونو بحال محمد اوجار ومصطفى المنصوري وغيرهم من التجمعيين٬ وزراء فحكومة اخنوش.
خاص الشباب وخاص المرأة تكون حاضرة. وزيرات قادات بحال نادية فتاح. خاص يكون عدد الوزراء قليل وطبعا فيه وزراء من البام واخرين من الاستقلال بالاضافة الى وزراء السيادة بحال الخارجية والداخلية والاوقاف والدفاع الوطني والامانة العامة للحكومة …