الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا
كود كلميم ////
المفاوضات بين مكونات جهة كلميم واد نون كانت صعيبة. جهة كلشي فيها فشي شكل. اغلبية ما عندها اغلبية ومعارضة حالفة حتى يطيح عبد الرحيم بوعيدة رئيس الجهة المستقيل البارح عن طواعية واللي طلع اليوم كيقول ماشي انا اللي وضعت الاستقالة ووزارة الداخلية اللي سيراتها بعد تعليق رئاسة هاد الجهة.
وفق مصدر “كود” فان الوالي مدير الشؤون الداخلية ادريس لجواهري هو اللي قاد المفاوضات. هو اللي شرف على هاد المفاوضات. طبعا بعد ما مرض وزير الداخلية عبد الوافي لفتيت بقي الوزير المنتدب نور الدين بوطيب كيطل وصافي لكن الاشراف واللقاءات مع الاطراف وجمعها خاصة مباركة بوعيدة عضوة الجهة ممثلة للاغلبية وعبد الباقي بلفقيه زعيم المعارضة٬ حتى سالات باظهار استقالة عبد الرحيم بوعيدة اللي كان كتبها هادي شهرين.
مع لجواهري كان العامل المكلف بالانتخابات حسن اغماني ووالي جهة كلميم الناجم ابهي٬ لكن فالاخير هاد الوالي هو اللي وصل القضية ما عليها اليوم. دعوة لعقد اجتماع للجهة لانتخاب مباركة بوعيدة واخا بقى الحال فولد عمها عبد الرحيم بوعيدة حقاش ما داها فيه حد ما عبرو حد
بوعيدة٬ الرباط٬ الداخلية