البام غلب الأحرار فالانتخابات الجزئية فالجماعات الترابية.. واش تنسيق بيناتهم ولا توجاد لـ2026؟
عفراء علوي محمدي- كود//
فدورية سافطاتها لجميع المديريات الجهوية، حددات وزارة الصحة المختبرات البريفي اللي مخول ليها تدير التيست ديال فيروس كورونا المستجد فالمغرب كامل.
الدورية، اللي رسلاتها الوزارة للمديريات ف12 فهذ الشهر، فيها 18 مختبر بريفي ديال التحاليل اللي عندهم الترخيص الرسمي باش يكشفو على الفيروس، ومجموعة منهم ماكانتش خدات التصريح قبل ودابا غادي تبدا تدير تحاليل الفيروس لأول مرة.
وكاين من هذ المختبرات 8 فجهة كازا سطات (6 فكازا وواحد فالمحمدية ولاخر فالجديدة)، 3 فطنجة تطوان (جوج فتطوان وواحد فطنجة)، 2 فالرباط سلا (1 فالرباط ولاخر فتمارة)، 4 ففاس مكناس (3 ففاس وواحد فمكناس)، وواحد فجهة سوس ماسة فأكَادير.
والمديريات معنيين، حسب الدورية، بمراقبة المختبرات اللي كتجري التحاليل ديال الفيروس المستجد، كيف خاصها تعلم المختبرات اللي تكلفو مؤخرا باش يستأنفو القيام بتحاليل كورونا.