كود كازا ///

علمت “كود” ان محمد شفيق بنكيران هو اللي غادي يعوض توفيق كميل فمجلس مدينة الدار البيضاء. وكان هاد الاخير يشغل منصب النائب الثالث للعمدة نبيلة ارميلي قبل ان يستقيل للتفرغ لتدبير جماعة مقاطعة بنمسيك فكازا.

ويعول حزب التجمع الوطني للاحرار على بنكيران اللي كان رئيس جهة كازا قبل سنوات ودوز بزاف فالتدبير٬ باش يقوي العمودية٬ خاصة بعد تعيين نبيلة الرميلي وزيرة للصحة فالحكومة.

وحسب ما علمته “كود” فان العمدة اللي مقسمة اليوم بين الوزارة وعمودية اكبر مدينة فالمغرب٬ بصدد اعداد تصور عام على طريقة الاشتغال وكتوجد لورگانيگرام لنساء ورجال غاديين يخدمو معاها ويكونو مساعدين ليها.

وكان طاشرونات فكازا دارو حملات ضغط باش يدفعو باحد نواب العمدة وهو وطاس باش ياخد واحدة من اهم اللجان وهي لجنة التعمير. دابا مع دخول بنكيران كلشي غادي يتبدل