خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير
وكالات- كود//
قررات أكاديمية الفنون والعلوم السينمائية ، أنها تدوز حفل توزيع جوائز الأوسكار الـ91 بدون مذيع هاد العام، على خلفية موجة الجدل اللي ناضت على الممثل “كيفين هارت”.
وقالت صحيفة “ديلي ميل” أن آخر مرة دارو الحفل من دون مذيع كانت فعام 1989، وأكدات الأكاديمية أن نجوم ونجمات هوليوود يل فالصفوف الأمامية ، غادي يشاركو فتقديم فقرات مختلفة وجوائز للفائزين بالأسكار.
وجا هذا القرار المفاجئ من الأوسكار ، بعدما اعتاذر مقدم الأوسكار الممثل الأمريكي”كيفين هارت” ، على تقديم الحفل الـ91، بسبب إعادة نشر تغريدات ديالو فالتويتر وهو كيسيء فيها للمثليين ف 2009 و2010 ، وبدا الجمهور كينتاقد فيه بعدما تختار يقدم حفل الأسكار الراقي ، وهادشي لي جعلو ينساحب حيت قاليك أنه مابغاش يفسد الحفل بهاذ القصة ، وقال أنه طلع ليه هاد الموضوع فالراس ،خصوصا وأنه اعتذر ليهم فأكثر من مُناسبة خلال السنوات لي فاتو .