اسماء غربي – كود//
گاع الاشهارات ولاو مرتبطين بانستكَرام وفايسبوك والعالم الافتراضي، وهادشي خلا شركة “jetblue” للطيران الامريكية دير عروض ترويجية لكن بشرط غريب شوية.
الشركة طلبات من لي بغا يربح تذكرة سفر العام كامل، يمسح كاع المتتبعين ديالو على إنستكَرام” وينشر صورة الشركة مع هاشتاگ. هاد المسابقة غادي تبقا حتال الجمعة فالليل، وخاص ضروري ماتكون حتى صور أخرى في الكونط.
هاد الطريقة ديال التصاور والهاشتاگ في الاشهارات هي لي ولا جاري بيها العمل في العالم كامل، منها كيتزاد عدد المتابعين ديال الشركة ومنها كيتحرك الكونط.
