الرئيسية > آش واقع > هادشي كيخلع. اليوم وللمرة اللولة فتنا 1000 اصابة بكورونا ف24 ساعة و12 ماتو و186 تشافاو.. الطوطال: 23259 إصابة و17311 متعافي و346 متوفي و5602 كيتعالجو
30/07/2020 17:30 آش واقع

هادشي كيخلع. اليوم وللمرة اللولة فتنا 1000 اصابة بكورونا ف24 ساعة و12 ماتو و186 تشافاو.. الطوطال: 23259 إصابة و17311 متعافي و346 متوفي و5602 كيتعالجو

هادشي كيخلع. اليوم وللمرة اللولة فتنا 1000 اصابة بكورونا ف24 ساعة و12 ماتو و186 تشافاو.. الطوطال: 23259 إصابة و17311 متعافي و346 متوفي و5602 كيتعالجو

عفراء علوي محمدي- كود//

للمرة الثانية على التوالي، المغرب سجل رقم قياسي فعدد الحالات المصابة بفيروس كورونا المستجد، بحيث علنات وزارة الصحة على إصابة 1046 مغربي ومغربية فهاد 24 ساعة الأخيرة، 89 فالمية منهم تم اكتشافهم عن طريق تتبع المخالطين، وهكذا وصل عدد المصابين فالمجموع لـ23259، أي بمعدل 64 لكل 100 ألف نسمة.

وقال مسؤول عن الوزارة، فالندوة المخصصة لاستعراض الحصيلة اليومية، أن 50 فالمية من مجموع الإصابات الجديدة تسجل فاربعة اشهر الأولى من ظهور الوباء، و50 فالمية المتبقية تسجل ف28 يوم، وهذشي كيدل على “النسق العالي لانتشار فيروس كورونا المستجد فالمغرب فهذ الآونة اللي كتتزامن مع بداية رفع الحجر الصحي وعودة النشاط الاقتصادي وأيام العطل والأعياد، وبسبب تهاون المواطنين وتراخيهم في تطبيق الإجراءات الوقائية باش يحميو نفوسهم من الفيروس”، على حد قولو.

واستعرض المسؤول توزيع الحالات المؤكدة حسب الجهات والأقاليم كما يلي:

جهة كازا سطات: 267 حالة (231 فكازا، 16 فالنواصر، 7 فبرشيد، 6 فالمحمدية، 2 فالجديدة، 4 فمديونة، ووحدة ببنسليمان)
جهة طنجة تطوان الحسيمة 258 (235 فطنجة، 13 فتطوان، 5 بالعرايش،3 فالحسيمة، وحالة واحدة بكل من شفشاون ووزان)
جهة فاس مكناس 227 منها (213 بفاس 12 فمكناس و2 فالحاجب)
جهة مراكش آسفي 118 (94 فمراكش، 9 فالصويرة، 6 فآسفي، 5 فالحوز وحالة بكل من اليوسفية والقلعة)
جهة الرباط القنيطرة 95 (48 بسيدي قاسم، 14 فسلا، 12 فالقنيطرة، 2 سيدي سليمان، ووحدة فالخميسات)
الجهة الشرقية 33 (11 بوجدة، 16 بجرادة، 3 بتاوريرت، 2 ففيكيك، ووحدة بالناظور)
جهة درعة تافيلالت 30 (15 بالرشيدية، ورزازات 10 وتنغير 5)
جهة بني ملال خنيفرة 10 (7 ببني ملال و3 فخنيفرة)
جهة سوس ماسة 4 (بأكادير)
جهة الداخلة واد الذهب 4 (بالداخلة)
بينما جهة العيون الساقية الحمرا وجهة كَلميم وادنون ماسجلات حتى حالة اليوم.

وتسجلات اليوم 12 وفيات جديدة، 5 فكازا و2 فطنجة ووحدة فكل من فاس ومكناس وبركان ومراكش، وهكذا وصل الطوطال ديال الوفيات لـ346.

والحالات النشيطة بلغ عددها 5602 حالة، كتتوزع على الجهات على النحو التالي:
جهة كازا سطات: 1597
جهة طنجة تطوان الحسيمة 1644
جهة مراكش آسفي 587
جهة فاس مكناس 1164
جهة الرباط القنيطرة 293
جهة درعة تافيلالت 73
جهة العيون الساقية الحمرا 10
جهة كَلميم وادنون 5
الجهة الشرقية 95
جهة سوس ماسة 26
جهة بني ملال خنيفرة 54
جهة الداخلة واد الذهب 51

بالنسبة للحالات اللي فالإنعاش، كاينة 79 حالة خطيرة، 7 فيهم تحت التنفس الاصطناعي، وكتتوزع على الجهات على النحو التالي: كازا سطات 22 (5 منهم تحت التنفس الاصطناعي)، مراكش آسفي 23 (2 تحت التنغس الاصطناعي)، طنجة 18، فاس مكناس 12 (وحدة تحت التنفس الاصطناعي)، جوج حالات فالرباط (وحدة حرجة) وحالة واحدة فسوس ماسة.

واليوم تستبعدات 20114 حالة إصابة، ووصل المجموع ل1207936 بعد ما خرجات تحاليلهم سلبية.

وهذا التوزيع الجغرافي للإصابات بالنسبة المئوية:

موضوعات أخرى

28/03/2024 16:00

رقم معاملات “لُوسِيبِي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو