عفراء علوي محمدي- كود//

اليوم تقاسو 3940 واحد بكورونا، فالوقت اللي كانت اخر مرة نسجلو فيها هذ العدد ديال الإصابات فنونبر 2020، وهذ العام سجلنا هذ الرقم فعيد الكبير، من بعد أيام من تصاعد الحالات بوثيرة كتخلع، بسباب تراخي المواطنين فتطبيق الإجراءات الاحترازية.

هذشي ماكيطمش، بحيث ف2020 كانا سجلنا فعيد الكبير فاللخر ديال يوليوز، 1000 إصابة او اكثر منها بقليل، يعني دابا مسجلين تقريبا الكوادريبل ديال هذ العدد (4x).

واليوم ماتو 12، و20232 واحد كيتعالج من الفيروس، و88 دخلو الإنعاش غير فهذ 24 ساعة.

وهذو التفاصيل:

التلقيح:

اليوم العيد ما تلقح حد، وهكذا بقا مجموع اللي خداو الحرعة اللولة حابس ف 11555970 شخص،  ومجموع اللي خداو الجرعة الثانية حابس ف9736641.

الإصابات:

تقاسو اليوم 3949 واحد من أصل 20231 واحد دار التحليلة، ووصل عدد المصابين فالمجموع ل566356.

ومؤشر الإصابة التراكمي وصل ل1555,6 لكل 100 ألف نسمة، بمعدل 10,7 لكل 100 ألف نسمة فهذ 24 ساعة.

حالات الشفاء:

تشافاو اليوم 1812، ووصل الإجمالي ل536626، بنسبة تعافي ديال 94,8 فالمية.

الوفيات:

واليوم ماتو 12، ووصل هكذا عدد الوفيات ل9498، بنسبة فتك 1,7 فالمية.

الحالات النشيطة والحرجة:

وعدد الحالات النشيطة طلع ل20232، وعدد الحالات الحرجة وصل ل527، 88 تدهورات غير اليوم، و22 تحت التنفس الصناعي الاختراقي.

ووصلات نسبة ملء أسرة الإنعاش ل16,7 فالمية.

بالنسبة لتوزيع الإصابات على الأقاليم والجهات فهو كالتالي: