الرئيسية > ميديا وثقافة > نقابة الصحافة متحفظة على تهم المس بسلامة الدولة الداخلية والخارجية اللي متابع بيهم عمر الراضي.. وكانت بغات تدير تحقيق باش تعرف واش تجسسو عليه بصح ساعا مادارش
24/09/2020 16:00 ميديا وثقافة

نقابة الصحافة متحفظة على تهم المس بسلامة الدولة الداخلية والخارجية اللي متابع بيهم عمر الراضي.. وكانت بغات تدير تحقيق باش تعرف واش تجسسو عليه بصح ساعا مادارش

نقابة الصحافة متحفظة على تهم المس بسلامة الدولة الداخلية والخارجية اللي متابع بيهم عمر الراضي.. وكانت بغات تدير تحقيق باش تعرف واش تجسسو عليه بصح ساعا مادارش

عفراء علوي محمدي- كود//

كشفات النقابة الوطنية للصحافة المغربية انه سبق ليها دارت لقاء مع الصحافي عمر الراضي ف1 يوليوز اللي فات، باش تستفسرو على قضية التجسس على الهاتف ديالو من طرف الدولة المغربية، باعتماد تقنية لشركة  “إن إس أو” الإسرائيلية، حسب ما قالت منظمة العفو الدولية فتقرير ليها.

وقالت النقابة، فبلاغ ليها حصلات عليه “كود”، أنها ميمكنش تعتمد تقارير لمنظمة غير حكومية كمرجع، وطلبات من الراضي باش يخضع التيليفون ديالو لتحقيق خاض، بمساهمة خبراء كتعتمدهم النقابة وبمساعدة ممثل عن منظمة العو الدولية، لكن تواترات الأحداث وماتيشرش يدار هذ التحقيق.

وسجلات النقابة “تحفظها القوي” على المنحى اللي خداه ملف توجيه تهمة “تلقي أموال من جهات أجنبية بغاية المس بسلامة الدولة الداخلية ومباشرة اتصالات مع عملاء دولة أجنبية”، ضد الراضي، وعلنات أنها غتواصل متابعة هذ القضية من منطلق الحرص على مبدأ قرينة البراءة وضمان شروط المحاكمة العادلة.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه