كود كازا//

نفات اللجنة الجهوية لحقوق الإنسان فكازا سطات صحة تصريحات قالها الناشط واليوتوبور شفيق العمراني، بعدما خرج من الحبس، نهار الخميس، واللي كتتعلق بزيارة اللجنة ليه فاش كان مضرب على الماكلة.

وقالت اللجنة، فتدوينة ليها فصفحتها ففيسبوك، أن هذ التصريحات، بخصوص زيارتها ليه ف26 أبريل، فإطار تتبع الحالة الصحية للسجناء المضربين عن الطعام، فيها معطيات “غير صحيحة”، ونفات اللجنة “بشكل قاطع وكلي” محتواها.

والأمر كيتعلق، حسب اللجنة، بمضمون الحوار اللي  ادعى” العمراني أنه دار بينو وبين رئيسة اللجنة حول أشكال وقفه للإضراب، أو ما صرح به على شنو تقالو بخصوص مجريات زيارة اللجنة لمعتقلين آخرين”.

وكان سبق للعمراني صرح، ففيديو ليه بمجرد خروجو من الحبس، فباب عكاشة، أن أعضاء من اللجنة الجهوية للمجلس الوطني لحقوق الإنسان قالوليه انه عطاو للصحافيان المعتقلان، عمر الراضي وسليمان الريسوني، التمر خلال زيارتهم ليهم، وقالو أنهم كلاوه واخا حتى هوما مضربين على الماكلة، وطلبو منو ياكل التمر ويستمر فإضرابو عن الطعام.

https://www.facebook.com/1401679063406731/posts/2852020158372607/