الرئيسية > آش واقع > نظام شنگريحة و هاجس المغرب.. خلاو جنسيات 108 ديال الحراگة قالو أنهم تشدو وركزو غير على 10 دالمغاربة
18/02/2021 11:30 آش واقع

نظام شنگريحة و هاجس المغرب.. خلاو جنسيات 108 ديال الحراگة قالو أنهم تشدو وركزو غير على 10 دالمغاربة

نظام شنگريحة و هاجس المغرب.. خلاو جنسيات 108 ديال الحراگة قالو أنهم تشدو وركزو غير على 10 دالمغاربة

الوالي الزاز – گود – العيون //
[email protected]

وزارة الدفاع الجزائرية كل سيمانة خارجة ببيان رسمي على حصيلة عملها، وآخرها الاربعاء، وفكل بيان لا تتوانى عن ربط المغرب بالممنوعات اللي كيشدو هذا إذا تأكد بالفعل أنهم شدوها، باش يشوهو صورتنا فإطار حرب إعلامية ممنهجة.

البارح وزارة دفاع الجزائر خرجات أيضا ببيان آخر وقالت بأنها حجزات مخدرات وغيرها، وأكدات، أيضا أنها وقفات حراگة “إحباط محاولات هجرة غير شرعية لـ 53 شخصا من بينهم 10 مغاربة كانوا على متن قوارب تقليدية الصنع بكل من وهران ومستغانم وعين تموشنت، فيما تم توقيف (108) مهاجرا غير شرعي من جنسيات مختلفة بكل من تلمسان والنعامة وورقلة وغرداية وأدرار”، وهادشي كلو ممكن بزاف يكون غير من خرايفهم و كذوبهم المعروف.

دابا هاد النظام العسكري ما شافش 108 مهاجر سري من جنسيات مختلفة لي تشدو، بانت ليه فقط 10مغاربة كانوا على متن قوارب تقليدية الصنع، وهادشي كيف ديما يؤكد استهداف نظام شنگريحة للمملكة المغربية بشكل مباشر بعدما كان جنّد كل مؤسساتو تهاجمنا وتخوض علينا حرب أوهام و خرايف من جانب واحد في سبيل تغطية الشمس بالغربال والتشويش على كل ما حققه المغرب فالأيام الماضية سواء سياسيا خاصة فنزاع الصحرا  أو إقتصاديا أو حتى فمجال مكافحة كوفيد-19 اللي مزال كتسنى دولة العسكر تعطف عليها روسيا باللقاح.

هاد النظام يمكن ليه يدير أي حاجة باش يكذب على الشعب الجزائري، و كان دار مسرحيات بزاف باش يزيد ينوم الشعب فالدزاير، بحال فالمرة الفايتة فاش جابو جوج جزائريين وفرضو عليهم يقولو بلي هوما مغاربة كيهربو لحشيش قدام إعلام الشياتة وهادشي اللي فضحوه من بعد مدونين جزائريين وجابو جنسيتهم الحقيقية اللي كانت جزائرية.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي