الرئيسية > آش واقع > نصب مستشارة جماعية ففاس ب”التسويق الهرمي”.. النيابة العامة كلفات الفرقة الجهوية تبدا لونكيط
12/09/2022 13:50 آش واقع

نصب مستشارة جماعية ففاس ب”التسويق الهرمي”.. النيابة العامة كلفات الفرقة الجهوية تبدا لونكيط

نصب مستشارة جماعية ففاس ب”التسويق الهرمي”.. النيابة العامة كلفات الفرقة الجهوية تبدا لونكيط

عمـر المزيـن – كود///

علمت “كود” أن وكيل الملك لدى المحكمة الابتدائية بمدينة فاس، كلف اليوم الإثنين 12 شتنبر 2022، الفرقة الجهوية للشرطة القضائية بالبحث مع مستشارة جماعية من حزب التجمع الوطني للأحرار يشتبه في تورطها في قضية كتتعلق بالنصب والاحتيال بـ”التسويق الهرمي”.

وتوصلت “كود” بتفاصيل مثيرة عن عمليات النصب والاحتيال اللي تعرضو لها عشرات المواطنين، أغلبهم مستخدمون في وحدة فندقية كاينة فشارع علال ابن الله، وهي المؤسسة السياحية اللي كتخدم فها المشتبه فيها.

وقالت مصادرنا أن المشتكى بها وبحكم معرفتها المسبقة بجميع الضحايا والثقة اللي كانوا كيثيقو فيها، قدرات تقنعهم بكونها عندها علاقة بشركة استثمار وتسويق، حيث كيتمكن المساهم فيها من جني أرباح خيالية وهمية بشكل آني تقدر توصل إلى 40 في المائة من المبلغ المستثمر من عمليات تجارية مزيفة.

وذكرت المصادر أن المعنية بالأمر اللي ينتظر أن يتم الاستماع إليها في محاضر قانونية، باش تحبك خطتها الجهنمية عطات فاللول أرباح مهمة لمجموعة من المساهمين لطمأنتهم وكسب ثقتهم وباش يسثتمرو مبالغ مهمة، وبالفعل هادشي اللي وقع، حيث قام الضحايا بتسليمها مبالغ بالملايين.

وأشارت المصادر نفسها إلى أن المشتكى بها وبعد توصلها بمبالغ مالية مهمة من الضحايا شهر أبريل من هاد العام استولت عليها وبدات كتتملص منهم ومابقاتش كتجاوبهم فالتليفون.

الضحايا أجمعوا في شكايتهم أنه تبين لهم بأن المتهمة “ص” اللي خدامة معهم بنفس الوحدة الفندقية أنها كتنتمي لشبكة معروفة بالنصب والاحتيال أو ما يطلق عليه بشكبات التسويق الهرمي واللي تم إلقاء القبض على بعض عناصرها.

وأكد المشتكون أن الأفعال اللي ارتكبتها المعنية بالأمر كتشكل جريمة النصب والاحتيال بجميع عناصرها المادية والمعنوية من تأكيدات خادعة وإيهامهم بأشياء غير حقيقة، وتسلم مبالغ مالية مهمة بقصد الاستيلاء عليها، مع علم يقين بعدم وجود أي شركة استثمار.

موضوعات أخرى

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد