أسماء غربي -كود//

مع كيبدا رمضان كيبداو التصاور ديال طوابل الفطور… ها المحمر ها المجمر  ها الشباكية ها الحريرة… وواحد الفئة فكرات في الناس لي ما عندهمش زعما الامكانيات وباش ميجرحوهمش دارو حملة بدات من انستكَرام وسناب ووصلات دابا لفايسبوك.

هاد الحملة هي “لا لتصوير مائدة الإفطار” ومتوقع يشاركو فيها فنانين ومشاهير باش تكبر وتعرف.

التصاور في فايسبوك نقصو من شحال هادي ودابة كثار في انستكَرام، وها هو رمضان غادي يبدا غدا ونشوفو واش غادي يكون شي تفاعل كبير مع هاد الحملة ولا الناس غادي دير لي بغات وتحط التصاور لي عجباتها بكل حرية.