الرئيسية > آش واقع > نشرة كورونا النصف شهرية: الإصابات طلعو ب3,8 فالمية وكازا كيموتو فيها بزاف بكوفيد 19
13/04/2021 20:00 آش واقع

نشرة كورونا النصف شهرية: الإصابات طلعو ب3,8 فالمية وكازا كيموتو فيها بزاف بكوفيد 19

نشرة كورونا النصف شهرية: الإصابات طلعو ب3,8 فالمية وكازا كيموتو فيها بزاف بكوفيد 19

كود كازا//

واخا الوفيات هبطو بشكل ملحوظ فهذ جوج أسابيع الأخيرة، فالفترة الممتدة ما بين 29 مارس حتى ل12 أبريل 2021، لكن كاين ارتفاع ديال حالات الإصابة بفيروس كورونا، خصوصا فجهة سوس ماسة، وحتى الحالات الحرجة غادية وكتطلع بالمقارنة مع قبل، والمغرب خسر مركز فالحالات وعدد الكشوفات عالميا، هذشي اللي جابت اليوم الحصيلة النصف شهرية ديال فيروس كورونا.

لكن واخا الوفيات نازلين، كاين ارتفاع ملحوظ فيهم فكازا سطات، بحيث مات  فيها فظرلهذ جوج اسابيع 24 واحد.

أما بخصوص المنحى الوبائي الأسبوعي، قال عبد الكريم مزيان بلفقيه، رئيس قسم الأمراض السارية فوزارة الصحة، أننا سجلنا ارتفاع ديال 10,4 فالمية بالمقارنة مع الأسبوع اللي فات، بحيث سجلنا 3905 إصابة مقابل 3538 فالسيمانة اللي فاتت، وجهة سوس ماسة هي اللي عرفات ارتفاع كبير 49,5 فالمية.

وكشف مزيان بلفقيه أن جميع المناطق فالمغرب تقريبا فيها اقل من 20 حالة لكل 100 ألف نسمة، باستثناء عمالة كازا اللي فيها أكثر من 50 مصاب، ونواحي كازا وإقليم واد الذهب والعيون اللي عندهم من 20 حتى ل50.

وبالنسبة لمنحى الوفيات، فسجلنا انخفاض ديال 3,8 فالمية، بحيث ماتو هذ السيمانة 50، مقابل 52 ماتو السيمانة اللي فاتت.

بالنسبة لعدد الوفيات حسب الجهات، كتجي جهة كازا سطات فالمقدمة ب24 وفاة، بعدها مراكش آسفي ب6، وجهة الرباط سلا ب5، وجهة الشرق حتى هي ب5، فيحين ماتو 4 ففاس مكناس، و3 فطنجة تطوان الحسيمة، و1 فكل من جهة سوس ماسة وجهة بني ملال خنيفرة وجهة الداخلة واد الذهب.

أما معدل الإصابة الأسبوعي لكل 100 ألف نسمة، فحقق ارتفاع ل10,8, فالاسبوع الأخير، بينما كان محدد ف9,7 فالسيمانة اللي قبل.

وتسجل ارتفاع فعدد المرضى اللي كاينين فأقسام الإنعاش، بحيث فالسيمانة اللخرة، دزنا من 424 حالة ل444 حالة.

وبخصوص مؤشر توالد الحالات على الصعيد الوطني فنهاية الأسابيع اللي فاتو، فف4 ابريل وصل ل0,99، وهبط فالاسبوع الأخير فحدود 11 أبريل ل1,08.


بالنسبة لإيجابية التحاليل، فكازا كتجي فالرتبة الأولى ب13,93 فالمية دالإيجابية، كتجي بعدها العيون الساقية الحمرة ب6,76، وجهة الشرق ب5,53، ثم سوس ماسة ب4,39.

وبالنسبة لترتيب المغرب عالميا، أكدات وزارة الصحة فنشرتها أن المغرب نزل مركز واحد على مستوى الإصابات، واحتل المركز 39 عالميا، كيف نزل للرتبة 43 من ناحية الوفيات بعدما نزل ب2 مراكز، ونزل كذلك بمركز فعدد الكشوفات وولا كيحتل المركز 48 عالميا.

أما على المستوى الإفريقي فترتيب المغرب ماتغيرش على مستوى الحالات والكشوفات، بحيث بقى فالمركز 2 فيهم بجوج، بينما نزل للمركز 4 من حيث عدد الوفيات.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها