جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو
نجوى المالحي-كود//
الممثلة نسرين الراضي اختارت ولأول مرة تدوي على قضية البوسة بوش آ بوش مع الممثلة لبنى ازابال في مهرجان كان السينمائي لي كانت خلقات بزاف ديال الجدل وكان شحال من متخلف سبهم وهددهم كاع.
الراضي قالت في لقاء مع مرميد فبرنماج “فاص آ بلال مرميد” أن كاع داكشي لي تقال على الموضوع تخربيق وكانو الناس بغاو يستاضفوها غير باش يسولوها على البوسة، وأكدات انها لو كانت باغة دير البوز غادي ديرو في المغرب بشلا حوايج ماشي تمشي حتال فرنسا.
وأضافت الراضي أن لبنى باستها بوش آ بوش بحب على العمل والشخصية لي دارتها في الفيلم لي وصل لمهرجان عالمي.
وكان ناض صداع كبير عند بزاف ديال المتخلفين على البوسة وكلشي بدا كيعطي الدروس وكيدوي في الأخلاق، وصمت نسرين خلا بنادم بتقلا غير بوحدو.
وفاس ناض الجدل قليل لي دافع على نسرين ولبنى، وكانو الممثلين لي دواو محسوبين على أطراف الأصابع.