25/04/2024 12:30
ملاك القوارب المعيشية فالداخلة: الأخبار على طي الضوسي ديال القوارب قفز على المكتسبات وإلتفاف على مطلبنا الأساسي
نجوى المالحي-كود//
ندى حاسي المعروفة ب”كيم كاردشيان الخميسات” حيدات الخمار لي دارتو هادي 6 شهر، وبقات هاد المدة كاملة وهي كتلبس لباس طويل وماكين غير الدين والصلاة وقال الله قال الرسول.
بنت الخميسات صدمات قوم ديال البشر ملي حطات تصويرة سيكسي بكسوة صفرة لبارح، ودايرة شعر صفر بالafrican braids.
في الأول بنادم بقى كيكتب في التعاليق على أن البروفيل ماشي ديالها، لكن هي دارت لايف مباشر في انستكَرام وقالت حيدات الخمار حيت ماعقل عليها حتى واحد، وكيطمعو فيها ملي كتمشي تقلب على خدمة، وهي عندها مسؤولية اللهم تعرا ودير الاشهارات وتصور الفلوس، يعني غاتولي مؤثرة عاوتاني، او مؤخرة كيف قال الشوبي.
وهادي ماشي أول مرة دير ندى هاد القضية، قبل عامين كانت تزوجات ودارت الحجاب، ومن بعدما دازت شي شهور قليلة وهي ترجع للصور الكاردشيانية.
في “گود” حنا مع الحرية والتحرر وضد اي لباس و/او فكر كيقمع المرأة وكيردها قرون اللور، ولكن فنفس الوقت حنا ضد المرأة تكون غير عبارة عن مؤخرة ماكدير والو فحياتها من غير تصور فانستگرام عاطية بظهرها وتجيب فلوس الاشهار.
