الرئيسية > كود سبور > نجم الفتح فضل تركيا على الرجاء والوداد
14/08/2022 20:00 كود سبور

نجم الفتح فضل تركيا على الرجاء والوداد

نجم الفتح فضل تركيا على الرجاء والوداد

كود سبور//

صبح اللاعب المغربي الشاب ديال فريق الفتح الرياضي منتصر لحتيمي فطريقو للدوري التركي، لي غيخوض فيه تجربة إحترافية إبتداء من الموسم الرياضي المقبل.

مصادر موثوقة كشفت على أن فريق طرابزون سبور التركي، نجح فإقناع الفتح الرياضي باش يسمح للاعب منتصر لحتيمي ينتقل للصفوف ديالو فالميركاتو الصيفي.

وحسب نفس المصادر فأطراف الصفقة اتفقوا باش يحمل منتصر لحتيمي القميص ديال فريق طرابزون سبور لمدة ديال 3 سنوات.

الفريق التركي طرابزون سبور كينتظر الخضوع ديال منتصر لحتيمي للفحص الطبي باش يتم توقيع العقد، وينتقل اللاعب الشاب للدوري التركي بصفة رسمية.

وكان منتصر لحتيمي محط أنظار واهتمام مجموعة من الأندية الوطنية فالمقدمة ديالها الرجاء والوداد، لكن اللاعب فضل العرض التركي وخوض تجربة احترافية خارج المغرب.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه