الرئيسية > آش واقع > نايضة على عمودية طنجة بين الميزان والعود والتراكتور
13/09/2021 14:30 آش واقع

نايضة على عمودية طنجة بين الميزان والعود والتراكتور

نايضة على عمودية طنجة بين الميزان والعود والتراكتور

كريم الصوفي – كود//
[email protected]

نايضة على رئاسة جماعة طنجة بين الاحزاب الرئيسية اللي حصلات على أغلبية المقاعد خلال الانتخابات الجماعية الاخيرة، فبعد تداول اخبار عن ترشح الاستقلالي محمد الحمامي لعمودية المدينة، بعد تزكية من المنسق الجهوي، خرجات اخبار جديدة عن تدخل نزار بركة وسحب التزكية من الحمامي في انتظار التوافق على مرشح اخر.

أبرشان وكيل لائحة الحصان ورئيس نادي اتحاد طنجة حتا هو قدم ترشيحو لرئاسة المجلس الجماعي لعاصمة البوغاز. أبرشان بدا كيهندس للحلم ديالو مع الاعلان عن النتائح واخا كاينة هضرة كثيرة على قياديين من الحزب باغين يديرو ليه العقدة في المنشار.

وكيل لائحة البام ف السواني، قدم ترشيحو وباغي يستغل الخلافات الحزبية بين الأحرار والاتحاد الدستوري للصالح ديالو. أما الحمامة لحد الآن باقي ما قدمش مرشح ديالو لرئاسة جماعة طنجة واخا تقارير محلية كترشح اعزيبو لهاذ المنصب، رغم الاخبار اللي كتقول أن الأحرار كيتسناو دعم البام لرئاسة مجلس الجهة في مقابل التراجع عن  سباق رئاسة جماعة طنجة. المهم نايضة على عمودية طنجة وسباق الكواليس الأخيرة هو لي غادي يكشف عن المرشح بامتياز لرئاسة المجلس الجماعي ديال طنجة.

موضوعات أخرى

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟