كود – وكالات//
خبير فمنظمة الصحة العالمية شكك فمصداقية المعلومات اللي عطات ميريكان حول منشأ فيروس كورونا المستجد.
وكتب بيتر دازاك العضو في البعثة فتويت ليه “ماتيقوش فالمعلومات الأمريكية اللي فيها أخطاء”.
Well now this????. @JoeBiden has to look tough on China. Please don’t rely too much on US intel: increasingly disengaged under Trump & frankly wrong on many aspects. Happy to help WH w/ their quest to verify, but don’t forget it’s “TRUST” then “VERIFY”! https://t.co/ukaNAkDfEG
— Peter Daszak (@PeterDaszak) February 10, 2021
وهذ التويت جا كتعليق لصريحات عطاها المتحدث باسم الخارجية الأمريكية فحكومة الرئيس جو بايدن، اللي طلب فيها تجنب تبني استنتاجات خبراء المنظمة والشفافية ديالها، اللي دارو جولة فووهان باش يعرفو مصدر الوباء.
وبعد 4 دالسيمانات فووهان، أكدو لبارح الثلاثاء خبراء منظمة الصحة العالمية أنهم “ماتمكنوش من تحقيق استنتاجات ملموسة بشأن منشأ الفيروس الذي يواصل التفشي في العالم”، لكن “من المستبعد يكون تسرب من مختبر ووهان للمنتوجات البيولوجية”، وهذ الهضرة هي اللي استبعدات صحتها ميريكان.
وكان سبق لإدارة الرئيس السابق، دونالد ترامب، اتهمات معهد علم الفيروسات فووهان على أنه سمح بتسرب الفيروس، بلعاني او بدون قصد.
