جمال بناصر – كود//

منشور واحد من الرئيس الامريكي دونالد ترامب على مواقع التواصل كان كافي باش يوضح الاثر الإيجابي اللي خلاوه عيالات سيدي قاسم، و على راسهم السيدة عيشة بوركيبة اللي تشهرات بتصويرتها مع ايفانكا، في قلب و وجدان عائلة الرئيس الامريكي.

و وكتب دونالد ترامب: “خصصت مالكات الأراضي المغربيات استقبالا حارا لإيفانكا”.

هاذ التودينة كاتبين الاثر القوي ديال هاذ النوع من الدبلوماسية الموازية اللي كاتفوق عن القنوات الدبلوماسية الكلاسيكية، خصوصا ايلا استحضرنا أن الرئيس الامريكي عندو مشاكل داخلية و خارجية بزاف و مع ذلك ماقدرش يقاوم الرغبة فالتعليق على تصاور بنتو ف المغرب.. و هكذا حققت لحظة تواصل انساني عفوي و حميم بين عيشة و ايفانكا ما لم يقدر عليه مؤسسات التواصل و اللوبينگ بواشنطن.