كود بوجدور //

لاحديث هاد الأيام فبوجدور إلا على ميناء المدينة والمشاكل اللي كيتخبط فيها بعد سنوات قليلة من بدء العمل به.

“كود” بحثت فالموضوع لكشف سبب تحول ميناء بوجدور من رافعة إقتصادية كان يعول عليها لتنمية مدينة التحدي إلى مصدر للمشاكل والصراعات وبؤرة كتغلي يوميا .

مصادر مهنية من داخل الميناء هضرات لـ”كود” على إستحواذ شخص واحد على كل شيء تقريبا، فلا مجال لأي مهني أو مستثمر في العمل داخل الميناء.. كاع البيبان مسدودة.

هاذ الشخص، كتقول المصادر  ولا داير الميناء بحال إلى شركة ديالو، وهو الآمر الناهي وماكاين لي يهضر هو الوحيد لي خدام ومن غيرو يشرب البحر.

والخطير كتزيد مصادرنا أن هذا الشخص يتحدث بإسم الوزارة وكيقول بشكل علني ، وكيأكد كيأثر على جميع القرارات واللي بغا شي حاجة ضروري يكون عن الطريق ديالو .

المهنيين اللي سولاتهم “كود” جميعهم أكدوا أن الوزير صديقي صعيب يكون عارف هادشي حيت ما يمكنش يقبل بهاد النوع من التصرفات، فهو من أكبر المدافعين على تكافؤ الفرص وجلب الاستثمار بالقطاع، ومغاديش يخلي شي حد كيف ما كان النوع ديالو يضرب مجهود الدولة ومخطط اليوتيس فالصفر .

كاع المتابعين اللي سولات “كود’ تافقوا على هاد الهضرة، وكلهم قالوا أن تدخل صديقي بشكل شخصي غادي يصلح الأمور، وهداك الشخص اللي كيعتبار راسو فوق الجميع غادي يوقف عند حدو، حيت كيلعب بالنار وكيعطل عجلة التنمية بجهة على قدها .