الرئيسية > تبركيك > ميزوجيني وتحقير للمراة وطنز على الفقير.. گروب فيسبوكي ديال أطباء الأسنان المغاربة داير حالة هاد الأيام من بعد ما خرجو منو سكرينات وتعاليق مدعششة ومتخلفة وحقيرة – تصاور
22/05/2020 12:00 تبركيك

ميزوجيني وتحقير للمراة وطنز على الفقير.. گروب فيسبوكي ديال أطباء الأسنان المغاربة داير حالة هاد الأيام من بعد ما خرجو منو سكرينات وتعاليق مدعششة ومتخلفة وحقيرة – تصاور

ميزوجيني وتحقير للمراة وطنز على الفقير.. گروب فيسبوكي ديال أطباء الأسنان المغاربة داير حالة هاد الأيام من بعد ما خرجو منو سكرينات وتعاليق مدعششة ومتخلفة وحقيرة – تصاور

كود كازا//

واحد المجموعة ديال أطباء الأسنان دايرة حالة هاد الأيام من بعد ما خرجو منها سكرينات وتعاليق مدعششة، أطباء الأسنان مكفاهمش أنهم تصرفو بأنانية وسدو العيادات ديالهم وهربو وخلاو المرضى ديالهم، وبدل ما يطوعو فالمستشفيات ويعاونو البلاد فهاد الجايحة، جالسين كيمارسو الاضطهاد على نساء القطاع لي كيشكلو أكثر من نصفه.

وأي وحدة احتجت على الكلام الميزوجيني لي كتبو صاحبهم كيطردوها من المجموعة بل مكيكتفيوش بذلك بل كيطالبو منها تعتذر على الإختلاف ديالها مع المضمون المتخلف لكلام الدكتور، لي قال أن النساء الطبيبات خاصهم ميخدموش فظروف الوباء ويخليو غير الرجال، السيد بغا يجمع الفلوس بوحدو وزاد قال ان اصلا عمل المرأة ماشي شرعي، دابا هذا واش كلام يقولو طبيب قاري سنوات من بعد الباك؟

وملي ناضو البعض يحتجو طردهوم من المجموعة واتهموهم بالتسريب ديال التدوينة وكأن المشكل هو التسريب وماشي المضمون لي كتفوح منو رائحة التحريض على النساء وعندو حمولة فيها تمييز تجاههن.

الأصدقاء ديال الدكتور مول التدوينة قالو صاحبهم غير ضاحك، معارفينش بلي مسلسلات وافلام وبرامج إذاعية توقفوا وماليها طردو بسبب كلام أقل من هداك.

وفنفس المجموعة ديال الاطباء يا حسرة، استهزؤو بصورة فيها ناس باين من البالكون أنهم فحي شعبي ناشرين الكمامات، الناس كتموت بالجوع والبلاد واقفة وفرمليات فالصف الأمامي لمكافحة الوباء كيرشو لالكول على الكمامات البروفيسيونيل لأنها مكافياش وهوما جالسين يكركرو، عوض ينوضو يعاونو البلاد ويعطيو الكمامات لي سادين عليها فالعيادات ديالكم ويتطوعو فالسبيطارات.

فين ديك هيئة الأطباء لي كيطلعو للأجهزة التقريرية والتنفيذية بربعمية صوت ومحتاكرينها وكيحاربو الشباب ميطلعوش، مالها ما تقدم الدعم، بدل ما دايرين مجموعة يضحكو فيها على أوضاع المغاربة وينفثو فيها أفكارهم الميزوجنية المتخلفة.

موضوعات أخرى

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟