وفينكم يا الاسلاميين اللي طلعتو شعارات سياسية فالشارع وحرضتو المغاربة باش تحرجو الملكية بسباب التطبيع.. هاهي حماس بدات تعترف بالهزيمة وتنازلت على مبادئها: مستعدين نحطو السلاح بشرط تقبل اسرائيل بحل الدولتين
كريم الشركي – كود //
مولودية وجدة لي كتلعب فالقسم الاول، عندها تسيير ديال قسم الهواة، حقاش المكتب لي كيترأسو محمد هوار، غير كيخربقو فالقرارات لي جابت النادي فآخر الترتيب، بعدما خسر 4 مقابلات وتعادل فوحدة، وجايب نقطة وحدة فمجموع 5 مقابلات، ما يعني أنه يلا بقى على هاد الريتم، ماشي للنزول هاد العام.
مشجعي الفريق، كيشوفو أنه كاين مشكل فالتسيير، وأن المشاكل لي بين المكتب المسير والمدرب عبد السلام وادو وصلات الفريق للطريق المسدودة.
وحول موضوع الخلاف بين وادو والمكتب، قالت مصادر مطلعة ل”كَود”، أن وادو وبعد 45 يوم فقط من التدريب، طلب من المكتب المسير يعطيه 900 مليون يلا بغاوه يمشي فحالو، وزاد المصدر ذاته ” هذا رقم خيالي، راه بهاد الرقم كيتحسب تقام علينا ب20 مليون فالنهار، راه كون جبنا مورينيو حسن لينا”.
ويحمل محبي الفريق مسؤولية ما آل إليه مولودية وجدة، لمحمد هوار رئيس النادي، الذي يسير بالنادي نحو الهاوية.