وكالات-كود//

الرابور دريك تعرض لموقف ماتبغيهش لعدوك بعدما جرا عليه الجمهور نهار الأحد في مهرجان The Creator السنوي الثامن لمخيم Flog Gnaw في لوس أنجلوس.

دريك غنا ماكاملاش 20 دقيقة والجمهور بدا كيصفر ويغوت وبغاوه يمشي بحالو.

نجم الراب العالمي طلب من الجمهور يعطيوه فرصة وقال ليهم “جيت اليوم على قبلكم، الا بغيتوني نبقى غادي نكمل”، لكن رد فعل الجمهور كان بالغوات وتصفار، وهادشي خلاه ينزل من المسرح.

الكل قال ان السبب علاش صفر الجمهور على دريك هو انه كان باغي الرابور فرانك اوشن هو لي يطلع يغني.