نهضة بركان غيمشيو من مطار الجزائر للوطيل يرتاحو والكاف عطاهم ضمانات على التونيات
هناء أبو علي-كود//
اليوم نشر حساب وزارة الخارجية ف الفايسبوك وتويتر صور للوزير وهو في اجتماع عن بعد.
لكن المثير فيه هو لباس بوريطة اللي كان عبارة عن جلابة زرقاء مخططة اللي سبق للملك محمد السادس لبسها من قبل.
حسب متابعين ف الأمر يتعلق بمحاولة تقليد بئيسة وصافي.. حيث الملك من منصبه كايلبس هاد الجلالب الي فيهم تجديد كمحاولة للحفاظ على التراث المغربي، يعني كايقدم راسو نموذج وقدوة للمغاربة باش تاهما يقلدوه ويزعمو يلبسو بحالو نظرا لوضعه الاعتباري.
غير أن القضية غير موجهة للمسؤولين والشخصيات العمومية والوزراء بحال بوريطة حيث غادي تحول لتمييع ماشي تشجيع.
الملك يعتبر قدوة وتصرفاته ولباسه محسوب ومنظم بالبروتوكول ..ماننساوش انه لقح راسو هو الاول باش يطمئن الناس وتدير بحالو ولكن بوريطة والوزراء ماخصهمش يتلقحو والا غادي يخرقو قانون عملية التلقيح وأولوياته..والملك سما ابنته لالة خديجة لاعادة الاعتبار لاسم متمغرب كلاسيكي امام زحف موجة الاسماء الشرقية ديال تسنيم ورهف ..
من هاد المنطق كاتجي مشاهد ظهور الملك بلباس تقليدي ولكن متجدد.. الحسن الثاني ملي لبس الجلابة مع الصباط والكرافاطة كتبان كان اول واحد يديرها ودابا ولات عادية.
وكايبقا تصرف بوريطة تقليد صبياني ماعندو معنى