الرئيسية > آش واقع > مواطنة كتتهم المحامي ديالها بالنصب لـ”كود”: دوزت الاعتقال التعسفي ظلما وعدوانا بسبابو وعاد مطالبة بتعويض ديال 12 لمليون.. وهو كيرد: هاد السيدة بغات تدير قانون الغاب وكتسب وتنعت بكلام قدحي وشكاياتها ضدي تحفظات حيت ماعندها أساس
28/09/2020 17:00 آش واقع

مواطنة كتتهم المحامي ديالها بالنصب لـ”كود”: دوزت الاعتقال التعسفي ظلما وعدوانا بسبابو وعاد مطالبة بتعويض ديال 12 لمليون.. وهو كيرد: هاد السيدة بغات تدير قانون الغاب وكتسب وتنعت بكلام قدحي وشكاياتها ضدي تحفظات حيت ماعندها أساس

مواطنة كتتهم المحامي ديالها بالنصب لـ”كود”: دوزت الاعتقال التعسفي ظلما وعدوانا بسبابو وعاد مطالبة بتعويض ديال 12 لمليون.. وهو كيرد: هاد السيدة بغات تدير قانون الغاب وكتسب وتنعت بكلام قدحي وشكاياتها ضدي تحفظات حيت ماعندها أساس

كود كازا//

تشدات فحالة اعتقال وتحكم عليها بشهراين دالحبس وتعويض ديال 10 دالمليون، بتهمة إهانة موظف عمومي بمناسبة قيامه بمهامه، وهذشي من بعدما سافطات للمحامي ديالها ميساجات كتنعتو فيهم ب”الشفار” و”النصاب”، ومن بعد المحامي نفسو حط شكاية خرى ضدها كيقول فيها بأنه ماخداش الأتعاب ديالو فملف كان كينوب عليها فيه، والمحكمة حكمات عليها بأداء تعويض ديال 2 دالمليون.

المواطنة إقبال بوفوس ختارت اللجوء لموقع “كود” باش تتكلم على قضيتها، كتقول أنها كانت كلفات ف2014 المحامي عن هيئة أكادير، طه عبد المنعم، باش يحط ليها جوج دوسييات دالإرث فابتدائية المدينة نفسها وينوب عليها فالملف، لكن مادار والو، وبقا 7 شهور وهو “كيوهمها بوجود جلسات واخا ماكيناش، و”فاش هضرت لقيت راسي فالحبس”، على حد تعبيرها.

وزادت أنها ماقدراتش تتبع آش واقع بحكم أنها كتسكن بعيدة فالرباط، “ومن بعد اكتشفت أنه غير كيتفلى عليا، فماقدتش نتمالك أعصابي وسيفت ليه ميساجات بالفرونسي قلتلو فيها أنه “شفار” و”نصاب”، وحطيت بيه 3 دالشكايات وكلهم كان المصير ديالهم الحفظ”، كيف قالت بوفوس.

وكشفات بوفوس أنها تفاجآت فاش البوليس فأكَادير اتصلو بيها باش يسمعو ليها فلافير ديال سب المحامي، قالت ليهم أنها بعيدة وماتقدرش تجي، وتدارت ضدها مذكرة بحث وطنية بأمر من النيابة العامة فأكَادير ف2015، وف2019 تشدات، وخرجات ف3 ماي من نفس العام.

وقالت بوفوس أن هذ المحامي عندو نفوذ، وضحاياه كثار، وكتعتبر أن هذكشي اللي دوزات ماشي حبس، لكن “اعتقال تعسفي ظلما وعدوانا” فهذ لافير اللي كانت فيها هي الضحية، كيف كتقول.

وتابعات بوفوس أن المحامي مشا حط تاني شكاية خرى بيها من بعد ما ديبوزا ملف ديال الإرث، باش يتابعما من بعد ويطالب بالأتعاب ديالو، واخا كتقول أنه مادار والو فالقضية ديالها، وهنا حكمات عليها المحكمة ب2 مليون كتعويض للمحامي، ودابا القضايا بجوج فمحكمة النقض.

وباش تاخد رأيو فالموضوع تواصلات “كود” مع المحامي عبد المنعم اللي قال أن هذ السيدة تمادات فالسلوكات ديالها بزاف، وأنه كاينة مافيا كتبتز عباد الله وتسبهم وتشهر بيهم.

وقال المحامي، فتصريحو ل”كود”، أن بوفوس حطات مجموعة من الشكايات للوكيل العام ووزير العدل والنقيب، وكان المصير ديالهم كاملين الحفظ، لأنه تبين أن كلامها لا أساس ليه من الصحة، ولا يستند على أي حجة، وماكاينين لا تجاوزات لا والو، و”غير خوا خاوي”.

وهي اللي كتقول النصب، “لكن أنا واش خديت شي حاجة وما قمتش باللازم؟”، كيتساءل المحامي.

وكيتابع بالقول أن الفترة اللي تواصلات معاه فيها هو كان كون الملف، لكن هذ الوقيتة كانت تصادفات مع إضرابات، وكان شي تأخير بسيط ديال شي 3 شهور، وهي اعتبرات أن هذ التأخير ضيع ليها فرصة ولحق بيها ضرر.

وقال المحامي أن هذ السيدة بغات تدير “قانون الغاب”، وكتسب وتنعت بنعوت “قدحية”، وكان “تسيب فالأسلوب ديالها”، ومازال زايدة فيه.

موضوعات أخرى

25/04/2024 23:45

أخنوش يكشف عدد الأسر لي كتستفد من الدعم الاجتماعي المباشر: 3.5 مليون أسرة كضم 12 مليون مواطن

25/04/2024 23:30

أخنوش على الحوار الاجتماعي: نمتنى فبداية الأسبوع الجاي نلقاو حل مع النقابات لي بغيناها تناقش إصلاح التقاعد حينت إلى بقينا هوكا غنكونو قدام المشاكل فـ2028

25/04/2024 23:14

عطا أخنوش إشارات على أن تعديل حكومي يقدر يكون فالمستقبل القريب: ملي تكون أحزاب الأغلبية مستعدة غنجلسو ونتافقو

25/04/2024 23:00

أخنوش على حصيلة الحكومة فـ 30 شهر: جد مشرفة ومرتاحين للمردودية والنتائج المحققة

25/04/2024 22:30

ف بيان مشترك نشرو البيت الأبيض.. المريكان و17 دولة اخرى كيطالبو بالإفراج الفوري على كاع الرهائن للي ف غزة

25/04/2024 21:30

في تقريرها السنوي.. أمنستي: استهداف المعارضين والناشطين الصحراويين في المغرب تزاد

25/04/2024 21:00

هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد