مصطفى الشاذلي – كود سبور//

ماتش المنتخب الوطني والغابون غادي يتلعب فملعب المسيرة فأسفي، بعدما كانت كل المؤشرات تشير إلى اختيار ملعب العبدي فالجديدة نهار 15 أكتوبر المقبل، ضمن استعدادات المنتخب الوطني للاستحقاقات المقبلة..

السبب فاختيار ملعب المسيرة يرجع إلى مهرجان الدولي للفرس، لي غادي تنظمو الجديدة موازاة مع الماتش ديال الغابون.

فوزي لقجع، رئيس الجامعة أكد فاجتماع المكتب الجامعي، أن الماتشات ديال المنتخب الأول والمحلي غادي يتنظمو فالجهة الشرقية، وبالتحديد فالملعب الشرفي فوجدة والملعب البلدي فبركان، فالوقت الذي غادي تختار الجامعة بين الجديدة واسفي.

لجنة تقنية غادي تزور الملاعب بأربعة قبل ما يحسم وحيد خايليوزبتس، مدرب المنتخب الأول والحسين عموتة، مدرب المنتخب المحلي نهار الاثنين المقبل، فالتيرانات، لي غادي تحتضن الماتشات جاية.