كود كازا//

اليوم الخميس المغرب كيسجل أقل عدد دالوفيات بفيروس كورونا المستجد هذ العام، بحيث ماتو اليوم غير 4، فالوقت اللي كانو كيتسجلو العشرات قبل، ووصل بهذشي عدد الوفيات بالفيروس فبلادنا ل8440، بنسبة إماتة ديال 1,8 فالمية.

وهذ الرقم كيبين التحسن الكبير اللي عرفاتو الحالة الوبائية من بعد ما بدات حملة التلقيح ضد كوفيد 19 فبلادنا، بحيث هذا اقل رقم دالوفيات كنسجلوه من 21 يوليوز دالعام اللي فات، أي هذي تقريبا 6 شهور.

ووصل عدد المستفيدين من الجرعة الأولى ديال لقاح فيروس كورونا المستجد ل855318 فرد.

وحسب نشرة كوفيد 19 اليومية، تقاسو اليوم 471 واحد من أصل 10456 واحد دار التحليلة اليوم، ووصل عدد المصابين فالمجموع ل477160.

وصل مؤشر الإصابة التراكمي ل1312,8 لكل 100 ألف نسمة، بمعدل 1,3 لكل 100 ألف نسمة فهذ 24 ساعة.

وتشافاو اليوم 574، ووصل الإجمالي ل457325، بنسبة تعافي 95,8 فالمية.

وتحددو عدد الحالات النشيطة ف11395 حالة، وعدد الحالات الحرجة ف530 حالة، ومعمرين دابا أسرة الإنعاش بنسبة 16,8 فالمية.

ومن الحالات الخطيرة، 27 تدهورات حالتهم اليوم، و44 تحت التنفس الاصطناعي الاختراقي.

وكتتوزع الإصابات والوفيات الجديدة على الجهات والأقاليم كما يلي:

وهذا المنحى الوبائي اليومي: