كود سبور – وكالات //

نجم كرة القدم الفرنسي كيليان مبابي مشاو ليه عدد من المتابعين ديالو فالسوشل ميديا وخصوصا على موقع “أنستكَرام”، وهادشي من الوقيتة اللي علن فيها تجديد الكونطرا مع فرقتو باريس سان جيرمان الويكاند الفايت. واش هادي رياكسيون من محبي ريال مدريد اللي كانو متبعينو؟

تجديد مبابي المفاجئ مع ال”PSG” كعا بزاف من جمهور الريال، ويبدو أنهم دارو رد فعل جماعي ولغاو متابعة الكونط الخاص بيه على “أنستكَرام”.

وبذلك خسر مهاجم باريس سان جيرمان أكثر من 700 ألف أبوني من نهار الإعلان الرسمي على تجديد الكونطرا ديالو مع الفرقة الباريسية حتى لعام 2025.

https://www.instagram.com/p/Cd6ED-TMN8k/?utm_source=ig_web_copy_link

وكتقول وسائل إعلام فرنسية بللي وخا هاد الرقم (700 ألف أبوني) كيبان كبير، ولكن ماشي شي خسارة خايبة بزاف لكيليان مبابي، اللي متبعينو أكثر من 71 مليون شخص عبر العالم.