أحمد الطيب – كود – الرباط //

حميد شباط، وكيل لائحة حزب جبهة القوى الديمقراطية بمقاطعة زواغة بنسودة بفاس، من بعدما دار مراتو وبنتو ف اللوائح الانتخابية، قرر تقديم نسيبو حتى هو فهاد الانتخابات.

ويتعلق الأمر بملوك العلوي الفضيلي الذي ترشح بإسم “الزيتونة” إلى جانب زوجته. نسيب شباط دبا مرشح ف اللائحة الجهوية فاس – مكناس اللي الوكيلة ديالها هي ريم شباط وهو جا دوزيام ديالها.

ويعتبر ملوك العلوي من الشباب اللي كيحضاو باحترام من طرف ناس المدينة العتيقة، حسب متتبعين للشأن المحلي، وسبق ليه ترشح ف الانتخابات الفايتة. ملوك رجل أعمال وعندو عدد من المشاريع الاستثمارية والسياحية بالمدينة.