محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008
مصطفى المزابي- گود بن أحمد //
من بعد السنوات العجاف لي عرفها ملف “امعيدات” المشهور بجماعة الخزازة اقليم سطات، ولي تنفذ بالقوة العمومية، مرة اخرى القاضي الشاب سعيد ماجد كيبين على الكفاءة والشجاعة والجرأة ديالو وتطبيقو للقانون وطمأن المتضررين فتجزئة سعد لي خصرات مدخل مدينة ابن احمد من جهة طريق خريبگة ومكملاتش والناس ساكنين بلا ماء بلا ضو بلا واد حار.
وحسب مصدر “گود” فراه هيأة الجنحي التلبسي بالمحكمة الابتدائية بمدينة ابن احمد لي كيرأسها القاضي سعيد ماجد حكمات على المهدي لشهد المسؤول على هاد التجزئة ولي نصب على الناس في الملايير بخمس سنين ديال الحبس النافذ وغرامة 500 درهم.
وكان وكيل الملك بالمحكمة ذاتها تابع المتهم المهدي في حالة اعتقال بتهم تتعلق بالنصب وعدم تنفيذ عقد واحالته على الجلسة ،وبعد مناقشة ملف القضية حجزات المحكمة الملف لمداولة واحمه على المتهم المهدي بخمس سنوات نافذة بعدما تابعته بتهم النصب وعدم تنفيذ عقد لي كان كيجمعو مع الناس.