نجوى المالحي-كود//
أعلن الملحن المغربي محمد نوبال، نهار الأحد، الإصابة ديالو بفيروس كورونا المستجد.
نوبال كتب على حساباتو في مواقع التواصل أنه دار تحليل كوفيد19، وطلعت النتيجة إيجابية.
وكتب الملحن لي خدم بزاف مع سعد لمجرد “بعد التحاليل المخبرية تأكدت اليوم إصابتي بفايروس كورونا المستجد، أسألكم الدعاء لي والله إشافي كل واحد ابتلاه الله بهذا المرض واللهم لك الحمد حتى ترضى و إذا رضيت ومن بعد الرضا أنا راضي بقضاء الله وقدره”.
هذا ثاني واحد من المشاهير لي جاتو كورونا في هاد الشهر من بعد فاتي جمالي، لي كانت علنات الإصابة ديالها، ومن بعد الشفاء ديالها من الفيروس.
