نجوى المالحي- كود//
من بعد تجربة كبيرة في مجال التمثيل، اختار رفيق بوبكر يجرب مجال الإخراج بأول عمل ليه، ولي هو عبارة عن فيلم قصيرصورو قبل أيام في مدينة خريبكة.
وكتب رفيق بوبكر على حسابو في انستكرام: “انتهيت من التصوير فلمي القصير في مدينة خريبكة الشكر للمنتج، وخاصة الممثلين العظماء بشير واكين وبشرى أهريش. شكرا لكم جميعا”.
رفيق الأسهم ديالو في المجال الفني طالعة وزادت طلعات بعد الواقعة ديال الفيديو لي تسرب ليه من قسارة خاصة، وعلى عكس النوايا ديال الناس لي سجلوه وسربوه، كان التضامن مع بوبكر كبير وهادشي لي عطاه دفعة أنه يرجع لجمهورو بنفس جديد.
