نجوى المالحي-كود//

ملكة جمال العرب شروق الشلواطي لي كانت حديث الصحافة الاسبوع الماضي في قضية طلاقها من راجلها العراقي رجعات للور وكتعيش أزمة نفسية خيبة.

التبركيكة لي جابت “كود” أن شروق لي وصلات لسطاج الوحش مع راجلها العراقي في ألمانيا ولي شوهاتو بالصوت والصورة وبينات وجهو الحقيقي، وفضحات انه ضربها، تنادم معاها الحال حيت خرجات داكشي الخاص بهم للعموم.

شروق ماتسوقاتش لشنو قالو في مواقع التواصل الاجتماعي ولكن كثرات الهضرة بين العائلات وكولشي عطا رأيو في طريقة التعامل ديالها مع القضية ولي اعتابروها بزاف غير لائقة ومكانش خاص توصل للانترنت.

وناضت الحرب بين شروق وراجلها وكل واحد عطا روايتو في الموضوع، ولي مؤكد انهم قلبوها صباط من بعد شهر على زواجهم الاسطوري لي دارتو باطمة ولي جاب ليها فيه ميرسيديس وايفون اخر ماكاين، وكادوات بالملايين.