نجوى المالحي – كود //
من بعدما ضرباتها بغبرة على الساحة الفنية، رجعات مرة أخرى الممثلة فرح الفاسي بعمل تلفزيوني جديد من المنتظر أنه يدوز في شهر رمضان المقبل.
فرح الفاسي شاركت صورة على حسابها في أنستكَرام مع الممثلة سعيدة بعدي، والممثل سعيد باي، وهي عبارة عن لقطة من العمل الجديد.
وكتبت فرح على الصورة لي لقات تفاعل كبير من عند المتتبعين ديالها في حسابها: “أول مرة غدي نوقف أو نمثل حداها حسيت بيها حضناني و تملكتني شكون كيحمق على سعيدة باعدي بحالي”.
واضافت الفاسي بالضحك: “طبعا سعيد باي ماشي مهم”.
