أسماء غربي -كود//

تعاطف كبير بزاف حضات بيه المغنية كوثر براني لي دوات بتأثر كبير على موضوع الحمل والمشاكل لي كيعانيو منها هي وراجلها، وكاع داك الضحك والطنز العكري لي دارو في الكَروبات في فايسبوك والترولات في انتسكَرام تقلب لحاجة زوينة.

وقالت كوثر أنها مكانتش كتوقع أن الضحك لي ضرها في خاطرها بزاف وخلاها تدخل في أزمة نفسية غادي يرجع حاجة زوينة، بعدما كلشي كيدعي معاها باش يتحل المشكل لي عندها وتفرح بالولادة.

وبدا هاد الصداع بعدما قالت كوثر أن “المغاربة كاملين كيتسناو حملها”، وهادشي لي خلا المغاربة عبر الأنترنت يطلعوها عليها وهي تخرج بفيديو كتبكي فيه وكتأكد أنها مكرهاتش تولد لكن عندها مشكل صحي.