اسماء غربي – كود//
المغنية لطيفة رأفت مازال عند كلمتها وقاطعات نشر الصور ديالها في مواقع تواصل الاجتماعي واليوم وصلات لشهر كامل بعد الاعلان الرسمي حيت كانو كيكتبو ليها تعاليق مسيئة.
لكن البارح دارت استثناء ورجعات وحطات توضيح في انستكَرام بخصوص مشاركتها في أوسكار الرائدات وأكدات أنها كسفيرة ديال منظمة الأمم المتحدة للفنون معندها علاقة بهادشي، ومغاديش تكون حاضرة.
وكانت لطيفة في 21 فبراير الماضي طلع ليها الدم من بعد ماحطات صورة فيها “جمعة مباركة” لكن التعاليق بقاو كيتحرشو بيها وكيكتبو ليها كلام غير لائق.