نجوى المالحي-كود//
من بعدما علنت، نهار الأحد، على طلاقها من راجلها الثاني مراد، تلقات المغنية نجاة اعتابو دعم كبير من طرف المتتبعين ديالها، وحتى بعض المشاهير تفاعلو مع الخبر لي تمت مشاركتو في مواقع التواصل الاجتماعي.
نجاة اعتابو تفاعلت مع ردود الأفعال لي وصلاتها، وشاركت هادشي على حسابها في انستكَرام، حتى لوقت متأخر من ليلة الأحد، من الناس لي تمناو ليها حياة جديدة وسعيدة بلا راجلها السابق.
نجاة اعتابو شكرت كاع الناس بطريقة لبقة على التفاعل ديالهم معاها، وعلى الدعاوي الكبيرة لي تلقاتها من المغاربة سواء عبر الهاتف الخاص بيها ولا في مواقع التواصل الاجتماعي.
