عمر المزين – كود – مكتب الرباط //

قررت إدارة “تويتر” صباح اليوم الجمعة إغلاق الحساب الوهمي الذي كانت تقف وراءه المخابرات الجزائرية لاستهداف المغرب ووحدته الترابية، من خلال إطلاق عدد من الإشاعات المغرضة والفايك نيوز.

آخر إشاعة مفروشة،كيف سبق ل “كَود” ذكرات ف خبر سابق، وكانت جابت الضحك على مخابرات نظام عسكر الدزاير اللي واقفة مورا هاد الفوكونط، هي أن “مستشار الملك محمد السادس، فؤاد عالي الهمة، طلب اللجوء للسفارة الكندية”. الفكرة ديال هاد الإشاعة باسلة وفضحات مواليها.

هاد الحساب الوهمي اللي كان خرج هاد الإشاعة مشا بعيد ودار إسم سعودي وهمي لنشر أخبار تسيء للمغرب. هنا زعما بغا يفسد العلاقة بين السعودية والمغرب. لكن هادشي عمرو يكون بهاد الأساليب.

وكان عدد من المغاربة قد أطلقوا حملة واسعة لإغلاق هاد الحساب الوهمي، وهو ما استجابت له إدارة “تويتر” صباح اليوم الجمعة و سدات هاد الكونط المزور.