الرئيسية > آش واقع > منع التنقلات بين المدن وعزلها بسبب “كورونا”.. عمدة الرباط ل”كود”: غادي نتدارسو الأمر فتجمع العاصمة
31/03/2020 10:30 آش واقع

منع التنقلات بين المدن وعزلها بسبب “كورونا”.. عمدة الرباط ل”كود”: غادي نتدارسو الأمر فتجمع العاصمة

منع التنقلات بين المدن وعزلها بسبب “كورونا”.. عمدة الرباط ل”كود”: غادي نتدارسو الأمر فتجمع العاصمة

عفراء علوي محمدي- كود//

ابتداء من اليوم الثلاثاء، السلطات ولات مشددة المراقبة بين المدن باش حتى شي حد ما يدخل ولا يخرج من المدينة اللي ساكن فيها، وحتى لانافيط بين المدن لغرض العمل ولات دابا ممنوعة، إلا بالنسبة للموظفين فالقطاع ديال الصحة ولا رجال الأمن والعسكر وصحاب الوقاية المدنية اللي كيمكن ليهم ياخدو تصريح باش يتنقلو من أجل العمل.

فتصريح محمد الصديقي عمدة الرباط ل”كود”، قال بللي هو شوية غادي يدير لقاء مع أعضاء تجمع العاصمة من أجل تدارس تشديد المراقبة على حدود الرباط وسلا وتمارة والتقليص من التنقلات بينها، وأكد ل”كود” بللي لحد الساعة مازال مكاين قرار رسمي، لكن كيتم نظر هذ المسألة.

والتنقل بين المدن القريبة دابا ولا ممنوع، بحال الشكل ديال التنقل من بين سلا والرباط على قبل الخدمة وعن طريق الترامواي، أو من تمارة للرباط، بحكم أن جميع المدن دابا غاتولي معزولة على بعضها، والناس اللي محتاج المغرب لخدماتهم فهذ الظرفية الحرجة هوما اللي غيستفدو من التصريح بالتنقل والسفر.

والداخلية لحد الآن مزال ماصدرات حتى قرار فهذ الموضوع، لكن ينتظر فالساعات القليلة جاية تخرج بيان رسمي ديال منع التنقلات بين المدن.

موضوعات أخرى

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو