الرئيسية > آش واقع > منظمة الصحة العالمية: التلقيح ف أوروبا غادي ثقيل بشكل مامفهومش
02/04/2021 14:30 آش واقع

منظمة الصحة العالمية: التلقيح ف أوروبا غادي ثقيل بشكل مامفهومش

منظمة الصحة العالمية: التلقيح ف أوروبا غادي ثقيل بشكل مامفهومش

كود – وكالات //

صرح المكتب الإقليمي لأوروبا فمنظمة الصحة العالمية بأن وتيرة التلقيح ضد “كوفيد-19” فالمنطقة الأوروبية ثقيلة بشكل مامقبولش.

وقال هانز كلوج، رئيس مكتب أوروبا في منظمة الصحة العالمية، أن “توزيع اللقاح ثقيل بشكل مامعقول. وتغطية التطعيم منخفضة، وهذشي علاش كنحتاجو لتطبيق نفس الإجراءات الصحية والاجتماعية اللي كانت قبل للتعويض على جداول التلقيح المتأخرة”.

ووضح كلوج، فبيان ليه بالخصوص، أن 10 فالمية فقط من سكان المنطقة الأوروبية خدام جرعة واحدة من اللقاح، وأن 4 فالمية فقط كملو عملية التلقيح.

وبينات معطيات من دائرة الصحة الوطنية فإنجلترا، حسب البيان، أن توزيع اللقاحات بين الأشخاص اللي كتزيد أعمارهم عن 70 عاما، والذي بدا فدجنبر 2020، أنقذ أكثر من 6 آلاف شخص.

وعرفات المنطقة الأوروبية فنفس الوقت زيادة فالإصابات بعدوى كورونا، بحيث تم خلال الأسبوع الماضي تسجيل 1.6 مليون حالة إصابة بالمرض، ونحو 24 ألف حالة وفاة، كيف أن 50 دولة ومنطقة وصلات ليها سلالة كورونا البريطانية الاكثر عدوى.

وبسباب هذشي، شدد كلوج في بيانه أنه ماخاصش التقليل من الإجراءات الاحتياطية فهاد الوقت.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها