الرئيسية > آش واقع > منظمة الارصاد الجوية العالمية: الكوارث الجوية تضاعفات بـ5 مرات وقتلات 2 مليون واحد
02/09/2021 06:00 آش واقع

منظمة الارصاد الجوية العالمية: الكوارث الجوية تضاعفات بـ5 مرات وقتلات 2 مليون واحد

منظمة الارصاد الجوية العالمية: الكوارث الجوية تضاعفات بـ5 مرات وقتلات 2 مليون واحد

كود كازا//

حذرات المنظمة العالمية للأرصاد الجوية (WMO)، الخميس ، من تسارع كوارث الأرصاد الجوية أو المناخية أو الهيدرولوجية، اللي تضاعف عددها خمسة دالمرات فالخمسين عام اللي فاتت.

وقال الأمين العام لوكالة الأمم المتحدة، بيتيري تالاس، فبيان صحفي، أن “عدد الظواهر الجوية المتطرفة والمناخية والظواهر الهيدرولوجية غادة وكتزاد، وبسباب تغير المناخ غتولي أكثر عنفا وتكرارا فبلايص كثار فالعالم.

وتم الإبلاغ على كثر من 11000 كارثة منسوبة لهذ الظواهر، على امتداد العقود الخمسة الماضية، فجميع أنحاء العالم، الشي اللي ادى لمقتل 2 مليون شخص وتدمير الممتلكات بقيمة 3.640 مليار دولار، كيف قالت أطلس المنظمة العالمية للأرصاد الجويةد المرصد اللي كيتكلف بإحصاء الوفيات والخسائر الاقتصادية الناجمة عن هذ الظواهر.

وفالمتوسط ​، كتسجل كارثة أرصاد جوية أو مناخية أو هيدرولوجية واحدة يوميا على مدار الخمسين عام الماضية، الشي اللي أدى لوفاة 115 شخص وأضرار وصل مجموعها ل202 مليون دولار يوميا.

وأكثر من 91 فالمية من هذ الوفيات وقعات فالبلدان النامية.

وكان الجفاف مسؤول على أكبر خسائر فالأرواح في الخمسين عام اللي فاتت، بحيث قتل علاين 650 ألف، بعد منو العواصف (قتلات كثر من 577 ألف) والفيضانات (58 ألف و700 ) ودرجات الحرارة القصوى (علاين 56 ألف).

وواخا هذاك، تحسين أنظمة الإنذار المبكر وإدارة الكوارث ساهم فانخفاض كبير فمعدل الوفيات، وانخفض عدد القتلى لأكثر من 50 ألف شخص سنويا فالسبعينيات لأقل من 20 ألف ف2010.

ودعات المنظمة لتحسين شبكات رصد الأرصاد الجوية والهيدرولوجيا فأفريقيا وأجزاء من أمريكا اللاتينية ودول جزر المحيط الهادئ والبحر الكاريبي.

ورحب مامي ميزوتوري، اللي ترأس مكتب الأمم المتحدة للحد من مخاطر الكوارث (UNDRR)، فالبيان ليه، بأنه غيتم إنقاذ المزيد من الأرواح بفضل أنظمة الإنذار المبكر.

أما بالنسبة للخسائر الاقتصادية، فقد فطلعات من متوسط ​​49 مليون دولار يوميا فالسبعينيات ل383 مليون دولار يوميا من 2010 حتى ل2019، وكانت العواصف السبب الأكثر شيوعًا لأضرار الممتلكات وهي مسؤولة عن أكبر الخسائر الاقتصادية على الكوكب، حسب المنظمة.

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا