الرئيسية > آراء > منظر مؤلم ديال مرات اليوسفي واقفة بعيدة على قبر راجلها فآخر لحظات الوداع ! كيفاش هاد القضية ديال المرا ماتمشيش للقبور و ماتودعش باها و لا راجلها و لا خوها ؟ مول الحانوت يقدر يوصل راجلك و لا باك تال القبر و نتي لا ؟ واش حنا مانستاهلوش داك الوداع الأخير زعما ؟
30/05/2020 19:00 آراء

منظر مؤلم ديال مرات اليوسفي واقفة بعيدة على قبر راجلها فآخر لحظات الوداع ! كيفاش هاد القضية ديال المرا ماتمشيش للقبور و ماتودعش باها و لا راجلها و لا خوها ؟ مول الحانوت يقدر يوصل راجلك و لا باك تال القبر و نتي لا ؟ واش حنا مانستاهلوش داك الوداع الأخير زعما ؟

منظر مؤلم ديال مرات اليوسفي واقفة بعيدة على قبر راجلها فآخر لحظات الوداع ! كيفاش هاد القضية ديال المرا ماتمشيش للقبور و ماتودعش باها و لا راجلها و لا خوها ؟ مول الحانوت يقدر يوصل راجلك و لا باك تال القبر و نتي لا ؟ واش حنا مانستاهلوش داك الوداع الأخير زعما ؟

سهام البارودي – كود//

منظر مؤلم الصورة ديال مرات المرحوم اليوسفي و هي كاتودعو فآخر اللحظات قبل مايتدفن ! و لي خلا المنظر مؤلم اكثر هي ديك الوقفة ديالها وحيدة و بعيدة على التابوت د راجلها ! على الجسد ديالو قبل مايتدفن ! داك الراجل و رفيق الدرب لي جمعاتهم اكثر من سبعين عام ديال العشرة و الحياة الزوجية بالزوين و الخايب ديالها كانشوفوها فالاخير كاتودعو وحيدة عن بعد… و كاتبكي عليه عن بعد !

هاد القضية خلاتني نتفكر بلي انا كمرا مامنحقيش حسب بزاف د الاعراف و حتى بعض الفسيرات الدينية نتبع شي ميت عزيز عليا و نودعو فالمقبرة! تخايل معايا انه غي حيت نتي مرا ! ماشي من حقك تبعي باك و لا خوك و لا راجلك للمقبرة و تودعيه و تبكي عليه تما و تحضري للدفين ديالو ! و بلي مول الحانوت لي فالدرب و لا جاركم لي ساكن فالطروازيام و ماعمركم ماشفتوه و لا داك خالك لي ماعمرو تحامل هوا و باك و لا داك عمك لي ماشافش باك هادي عشرين عام عندو الحق و الافضلية فأنه يرافقو للقبر ديالو و نتي لا علاش ؟ توسامبلومو حيت نتي مرا ! واش ماشي قمة الظلم و الحگرة هادي !
انه من بعد سنوات د العشرة و الحب و الحياة المشتركة يجي مول الحانوت يضوبلك و يوقف فوق قبر باك و لا راجلك و لا خوك!

طبعا الخوشبيش فاش كايسمعو هادشي كايبقاو عليك ” واحيت المرا حنينة ” ” العيالات كايبكيو” “العيالات يقدرو يديرو مندبة ….” كاين گاع لي عندو حمار مغط ليه فالدماغ و كايقوليك ” العيالات غايديرو الفتنة فالمقبرة” وا شوف ولد القحبة الناس فين و هوا دماغو فين ! واش نتا غادي دفن و زبك مقيم ؟ بقات لمك غا ” الفيتنااا” الناس فالناس و مسعود فمشيط الراس ! هاد  الهضرة ماعندها لا ساس و لا راس طبعا ! فبزاف ديال الثقافات فالعالم العيالات كايحضرو للجنازات و كايدفنو خوتهم و ماواتهم و صحاباتهم و كايدوز كلشي بيخير و على خير.

هاد الفكرة منين ماشديتيها و بغيتي زعما تلقا ليها تخريجة و تبينها كيوت و كدا ماغاتصدقش ! حيت الاساس الوحيد لي عندها هوا ديك النظرة الدونية للمرا ككائن فراجيل ضعيف يقدر يسبب الفتنة ! و مايستاهلش يحضر لموقف مهيب فحال الموت ! المرا غا ديال الحوا و العجينة و الكوكوط و تداوي و دير اللبيخة و تتهلا فالولد و الراجل و الاب و الام … و نهار شي واحد يموت فيهم ! كايولي مول الحانوت لي فالدرب عندو الحق يمشي معاه للقبر و هي لا!

موضوعات أخرى

28/03/2024 21:05

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة

28/03/2024 21:00

يكذب الإسلامي وهو يتحدث عن تفكك الأسرة في الغرب! نحن روحانيون وأسرنا متماسكة وأطفالنا يكبرون في الشارع بعناية إلهية

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة