الرئيسية > آش واقع > ممثلي الأحزاب السياسية فالخارج: خاص تشارك الجالية فسياسة البلاد وكنطالبو بالتحكيم الملكي
13/05/2021 12:30 آش واقع

ممثلي الأحزاب السياسية فالخارج: خاص تشارك الجالية فسياسة البلاد وكنطالبو بالتحكيم الملكي

ممثلي الأحزاب السياسية فالخارج: خاص تشارك الجالية فسياسة البلاد وكنطالبو بالتحكيم الملكي

كود كازا//

اعتبرو ممثلي الأحزاب السياسية المغربية بالخارج، فاجتماع ليهم، أن إقصاء مغاربة العالم من المشاركة فتسيير الشأن العام هو مساس بحقوقهم، واعتبرو أن هذشي كيضر بالمصالح الاستراتيجية ديال المغرب.

واكدو الممثلين ديال الأحزاب السياسية، فبيان اعقب الاجتماع، على أن مضمون القانون التنظيمي الخاص بالاستحقاقات التشريعية لمجلس النواب كيتعارض مع روح دستور المملكة فيما يتعلق بحق مغاربة العالم فالمواطنة الكاملة، اللي كيشكلو 15 فالمية.

واعتبرو انه مايمكنش تصور نموذج تنموي جديد دون إشراك فعلي لمغاربة العالم فالسياسة، وهذشي مايمكنش الفصل ديالو على الديمقراطية التشاركية.

وقالو أنه خاص إعادة النظر فمضامين ومنهجية آليات ومؤسسات الديمقراطية التشاركية،  بحال مجلس الجالية المغربية فالخارج، ومؤسسة الحسن الثاني للمغاربة القاطنين بالخارج، والمجلس العلمي، وبنك العمل…

وعبرو الممثلين ديال الجالية المغربية على تشبثهم بالتحكيم الملكي كأمل وحيد لإنصاف الجالية المغربية المقيمة فالخارج ضد التهميش والإقصاء السياسييْن.

موضوعات أخرى

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو