الرئيسية > آش واقع > مكناس: مواطنين من قلب حي “الحفرة” اللّي مطوق بسبب كورونا كيعاودو لـ”كود” الجحيم اللّي عايشيونو بسبب الوباء -صور
25/03/2020 13:35 آش واقع

مكناس: مواطنين من قلب حي “الحفرة” اللّي مطوق بسبب كورونا كيعاودو لـ”كود” الجحيم اللّي عايشيونو بسبب الوباء -صور

مكناس: مواطنين من قلب حي “الحفرة” اللّي مطوق بسبب كورونا كيعاودو لـ”كود” الجحيم اللّي عايشيونو بسبب الوباء -صور

عمـر المزيـن – كود//

تفاصيل صادمة ترويها ساكنة حي “الحفرة”، التابع للنفوذ الترابي لمقاطعة البساتين، بالعاصمة الإسماعلية مكناس على الوضع التي تعيشه، بعدما ضربت السلطات المحلية والأمنية طوقا صحيا على الحي تخوفا من تفشي فيروس كورونا خارجه.


عدد من المواطنين هضرات معاهوم “كود” من قلب الحي الذي يعرف حاليا استنفارا أمنيا وصحيا غير مسبوقا، وأكد أن ساكنت ممنوع عليه تخرج بشكل نهائي ويلا بغات تشري المواد الغذائية أو شي حاجة كيتوصلهوم حتى للدار.


تاجر آخر من نفس الحي أكد لـ”كود” انه كاين حصار كبير وكل بوليس مع مخازني واقف، مضيفا أنه كان شي مواطن من الصبليون دخل وفيه الفيروس وبدا يسلم على عدد من الدراري ديال الحي،ومني مشا لصبيطار عاد كشف على الناس اللّي سلم عليها.

وأكد المتحدث أن يصعب بكثير حاليا يخرج شي حد من دارو وخا تكون عندو ورقة الخروج، مشيرا إلى أن الحي في اكثر من تسعة عمارات سكنية، وممنوع يخرج شي حد لكن ممكن يخرج شخص واحد من كل العائلة غير باش ياخد شي سخرة ويرجع بالزربة.


وأوضح هاد السيد نفسو أن داك الاساتذة المتقاعيدن اللي كانو مشا ف رحلة للقاهرة ويرجعو للمغرب فيهم شي وحدين كاينين ف الحي المذكور.

وأضاف: “الحي لحدود الدقيقة مزال مطوق وفيه فرق امنية وطبية مختلفة وكولشي مراقب اللي بغا يشري شي حاجة خاصو ما هي وما لونها حقاش خاص إجراءات دقيقة باش الوباء ميخرجش كاع، ودبا كولشي مخلوع هنا ولا يمكن لأي شخص أن يدخل للحي حقاش كولو مطوق”.


وزاد: كاين حصار عليه كولو. بوليس ومخازني. الدري كان جا من اسبانيا وسلم على شي دراري تما وهو قالهوم علامن سلم. طوقو الحفرة. فيها عمارات سكنية بزاف. شي ناس من القاهرة. كيخرج غير واحد من كل عائلة. شي 9 عمارات سكنية”.

موضوعات أخرى

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة