الرئيسية > كود-تيفي > مكناس. بعد قرار بيع سينما الأطلس فالمزاد العلني. فنانين ومثقفين لونصاو نداء “ماتقيش مدينتي”.. والروخ: مابقاش للسينما محل من الإعراب وخاص المسؤولين يوقفو هذ مهزلة – فيديو
19/04/2021 19:00 كود-تيفي

مكناس. بعد قرار بيع سينما الأطلس فالمزاد العلني. فنانين ومثقفين لونصاو نداء “ماتقيش مدينتي”.. والروخ: مابقاش للسينما محل من الإعراب وخاص المسؤولين يوقفو هذ مهزلة – فيديو

مكناس. بعد قرار بيع سينما الأطلس فالمزاد العلني. فنانين ومثقفين لونصاو نداء “ماتقيش مدينتي”.. والروخ: مابقاش للسينما محل من الإعراب وخاص المسؤولين يوقفو هذ مهزلة – فيديو

عفراء علوي محمدي- كود//

لونصاو فاعلين ومثقفين وفنانين وجمعويين بمدينة مكناس، نداء “ماتقيش مدينتي”، من بعد قرار بيع سينيما الأطلس التاريخية بحي الروامزين في المزاد العلني، على مرآى ومسمع السلطات المحلية اللي ماتدخلاتش لإنقاذ هذ المعلمة من الإندثار.

ووقعو العشرات على النداء، من بينهم صاحب المبادرة، الكاتب والمخرج المسرحي الضعيف بوسلهام، فضلا عن المخرج إدريس الروخ، والممثلة والمسرحية لطيفة أحرار، والممثل محمد الشوبي، والأستاذ الجامعي والفاعل المدني المصطفى المريزق، والمحامي عبد المجيد الدويري، والمنشط الإذاعي عزيز العبوبي، وآخرون.

وقال الفاعلون فالنداء أنهم خرجو يستنكرو هذشي باش مايتكررش “السيناريو الكارثي” ديال هدم سينما ريجان وكذا سينما أمبير، ومن أجل الحفاظ على معالم مكناس التاريخية، اللي كتشكل، حسبهم، جزء من هويتنا الثقافية بحمولتها المعمارية والتاريخية.

وقالو المثقفين أن مدينة مكناس، بحمولتها التاريخية العريقة، كتعرض للإهمال والتدمير، وخصوصا صالات السينما التاريخية، ويعض المعالم اللي كيمكن تتحول لمؤسسات ثقافية ويتعاد تأهيلها باش تعوض النقص الثقافي اللي كاين، ماشي يتم إقبارها بهذ الشكل.

وحملو الفاعلين المسؤولية التاريخية لجميع القطاعات المسؤولة وخصوصا وزارة الثقافة والشباب والرياضة (قطاع الثقافة ) المعنية بترتيب وحماية هذا التراث المادي، والجماعات الترابية المسؤولة عن توفير البنيات الثقافية ورعايتها وتوفير سبل التربية الثقافية للمواطنين.

وفهذ الصدد خرج ادريس الروخ بفيديو كيستنكر فيه عرض السينما فالمزاد العلني، وقال: هذا خبر نزل كالصاعقة.. هذشي كيبعث على الحسرة والالم، حيت حنا نحتاج الآن إلى القاعات السينمائية والثقافة والذاكرة”.

وزاد، بنبرة كلها حسرة “سينما الأطلس تربينا فيها شفنا بزاف دالحوايج، وماشي غير تماك لكن فحي الرامزين كامل، كانت سينما أبولو ومونديال كذلك كلشي سد سنوات وكنقولو يوم على يوم ممكن تحسن الوضع، ويبان شي امل فالافق، لكن هايا سينما اطلس غتباع، ومابقاش للقاعات السينمائية محل من الإعراب”.

وناشد الروخ المسؤولين باش “يوقفو هذ المهزلة”، وختم: “فهذ المدينة محتاجين لذاكرة ثقافية جمعاتنا كاملين، سينما، مسارح، دور الثقافة، المركبات، المكتبات ودور الشباب، كيف محتاجين للمساجد ودور العبادة محتاجين نتنورو فثقافتنا وتاريخنا.

https://m.facebook.com/story.php?story_fbid=10159335010894532&id=525209531

ويشار انه فإعلان للعموم، علن رئيس مصلحة كتابة الضبط بالمحكة التجارية بمكناس أنه غيكون بيع قضائي يوم 22 ابريل الحالي بنفس المحكمة لسينما الأطلس، موضوع الصك العقاري عدد K/18223، الكائنة فحي الروامزين بمكناس.

وهذ الحكم، اللي هو بيع قضائي جبري، تخاد لصالح البنك الشعبي، ضد الشركة السينمائية للشمال، بسبب ديون تراكمات عليها لصالح البنك.

موضوعات أخرى

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا

28/03/2024 11:00

إدانة المحاميين د الرابور “ديدي” مداهمة الفيديراليون : زادو فيه وهذا” فخ”

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008