نجوى المالحي-كود//
المغنية سكينة الشيكاوي لي تعرفات هادي 3 سنين بعد مشاركتها في برنامج “ستار أكاديمي” في لبنان مدارت حتى شي عمل فني من بعد، ومعروفة غير فانستكرام ديالها كبلوگوز.
البارح وبعدما صبغات شعرها بالصفر وبانت بلوك جديد دارت اعلان قالت فيه انها باغة تبدل اسمها وترجعو “ريماس المغربية” وبغات رأي المعلقين وأكدات انها اختارت “مغربية” حيت كتفتاخر بالجنسية ديالها.
بزاف قالو ليها أن الاسم مازوينش وولفوها باسمها العادي، وكاين لي كتب ليها ان الاسم الفني ماشي مهم بقدر ما انها خاص تخدم على راسها ودير أعمال تبان بيهم.